पुणे - बंद बंगल्याचा पाठीमागील दरवाजा तोडून आतमध्ये प्रवेश करत अज्ञात चोरट्याने रोख रक्कम व सोन्या-चांदीचे दागिने असा १ लाख ५७ हजार रुपयांचा माल लंपास केला. याबाबत शहर पोलीस ठाण्यात आदिती दिपक माने (रा. हरीकृपानगर, इंदापूर रोड, बारामती) यांनी फिर्याद दाखल केली.
बारामती शहरात ३ मार्चच्या मध्यरात्री ही घटना घडली. फिर्यादीच्या बंद बंगल्याच्या पाठीमागील दरवाजाचे दार तोडत अज्ञाताने आत प्रवेश केला. किचनमधील लोखंडी कपाट व बेडरुममधील लाकडी कपाट उचकटून त्यातून रोख रक्कम व सोन्या-चांदीचे दागिने असा १ लाख ५७ हजार रुपयांचा माल लंपास केल्याचे फिर्यादीत म्हटले आहे.
या चोरीमुळे बारामतीत या अज्ञात चोरट्याचा विषय चर्चेत होता. याप्रकरणी बारामती पोलीस अधिक तपास करीत आहेत.
हेही वाचा - जेव्हा रक्षकच बनतात भक्षक, तरुणांना लुटणारे गजाआड
