पुण्यात तरुणींसमोरच रोडरोमिओंना काढाव्या लागल्या उठाबशा

खेड तालुक्यातील ग्रामिण भागातील गावागावांतुन अनेक तरुणी राजगुरुनगर येथील हुतात्मा राजगुरु महाविद्यालयात शिक्षणासाठी येतात. मात्र, राजगुरुनगर शहरातील टव्हाळखोर तरुण या मुलींची डोकेदुखी ठरत होते.

पुणे - हुतात्मा राजगुरू महाविद्यालयात गेल्या अनेक दिवसांपासून रोडरोमिओंचा महाविद्यालयीन तरुणींना नाहक त्रास होत आहे. राजगुरुनगर पोलिसांनी महाविद्यालयाच्या गेटवरच सिंघम स्टाईलने रोडरोमिओंना उठाबशा काढाय लावल्या. त्यामुळे महाविद्यालयीन तरुणींना पोलिसांकडून मोठा दिलासा मिळाला आहे.

खेड तालुक्यातील ग्रामीण भागातील गावा-गावांतून अनेक तरुणी राजगुरुनगर येथील हुतात्मा राजगुरु महाविद्यालयात शिक्षणासाठी येतात. मात्र, राजगुरुनगर शहरातील टव्हाळखोर तरुण या मुलींची डोकेदुखी ठरत होते. मात्र, राजगुरुनगर पोलिसांनी महाविद्यालयीन तरुणींसमोरच टव्हाळखोर तरुणांना एकत्र करुन त्यांना गेटवर उठाबशा काढण्याची शिक्षा दिल्याने तरुणींमध्ये पोलिसांबाबत एक विश्वासाचे नाते निर्माण झाले आहे. पुढील काळातही तरुणींना काही तक्रारी असतील, तर पोलिसांशी संपर्क साधण्याचे आवाहन पोलीस निरीक्षक अरविंद चौधरी यांनी यावेळी केले.