जुन्नर (पुणे) - छत्रपती शिवाजी महाराज यांचा शिवराज्याभिषेक सोहळा शिवरायांची जन्मभूमी असलेल्या किल्ले शिवनेरीवर आज (शनिवार) अगदी साधेपणाने साजरा करण्यात आला. कोरोनाचे संकट असल्याने मोजक्याच शिवभक्तांच्या उपस्थितीत शिवराज्याभिषेक सोहळा साजरा केला गेला.
कोरोनाच्या महामारीचा समुह संसर्ग रोखण्यासाठी यावर्षीचा शिवराज्यभिषेकाचा सोहळा भव्य स्वरुपात न साजरा करता, मावळ्यांनी घरोघरी साजरा करावा, असे आवाहन छत्रपती शिवाजी महाराजांचे वंशज खासदार संभाजीराजे भोसले यांनी तसेच प्रशासनाच्या वतीने करण्यात आले होते. त्यामुळे किल्ले शिवनेरीवर महाराजांच्या प्रतिकात्मक पुतळ्याचे पूजन आणि अभिषेक अशा मर्यादित स्वरुपात हा दिवस साजरा करण्यात आला.
किल्ले शिवनेरीवर भंडाऱ्याची उधळण करत शिवराज्याभिषेक दिन साजरा...
हेही वाचा... दुर्गराज रायगडावर शिवराज्याभिषेक सोहळा यंदा साधेपणाने साजरा ; कोरोना योध्याच्या केला सत्कार
