बारामती Sharad Pawar in Baramati : शरद पवार गटाचे आमदार रोहित पवारांना बारामती ॲग्रो कंपनी संदर्भात नोटीस बजावण्यात आलीय. या प्रश्नावर शरद पवारांनी एका वाक्यात उत्तर दिलंय. मी कारवाईबाबत बोलणार नाही असं म्हणत त्यांनी यावर बोलण्यास नकार दिलाय. मी त्यावर उत्तर देऊ इच्छित नाही असं स्पष्ट मतही शरद पवार यांनी व्यक्त केलंय. राष्ट्रवादी काँग्रेसचे अध्यक्ष शरद पवार आज बारामती दौऱ्यावर आहेत. यावेळी त्यांनी पत्रकारांशी संवाद साधला.
शरद पवारांचा बोलण्यास नकार : रोहित पवार हे शरद पवार यांचे नातू आहेत. त्यामुळे शरद पवार हे या कारवाईच्या संदर्भात कठोर भूमिका घेतील असं दिसत होतं. परंतु, तसं न करता त्यांनी यावर न बोलणं पसंत केलं आहे. शरद पवार हे यावर काय भूमिका घेतात हे देखील आगामी काळात पाहायला मिळेलच. तसंच बावनकुळेंच्या संदर्भातील प्रश्नावर महाराष्ट्रातील पत्रकार हे प्रामाणिक आहेत त्यांच्यावर अशा प्रकारची टिप्पणी करणे योग्य नसल्याचं शरद पवारांनी म्हटलंय. पत्रकारांनी महाराष्ट्रातील नेत्यांकडून अशी अपेक्षा केली नव्हती, असं म्हणत त्यांनी भाजपाचे प्रदेशाध्यक्ष चंद्रशेखर बावनकुळेंवरही टीका केलीय. चहा आणि धाब्यावर जाण्यासारखं पत्रकारांचं महाराष्ट्रात चित्र नाही, असंही शरद पवार यांनी म्हटलं आहे.
आरक्षणावर सरकारचा निर्णय लवकरच कळेल : आरक्षणावर शरद पवार म्हणाले, मराठा समाजाच्या काही मागण्या आहेत. त्यासाठी ते आंदोलन, उपोषण करत आहेत. राज्य सरकारनं त्यांना शब्द दिलाय की आम्ही त्यांचा प्रश्न सोडवू, ओबीसींना वाटतं की त्यांच्यातील आरक्षण इतर कोणी घेऊ नये, याची नोंद राज्य सरकारला घ्यावी लागेल. याबाबत ही काही निर्णय घेऊ असा विश्वास केंद्र सरकारनं दिलाय. मराठा समाजाला ही आश्वासनं दिली आहेत. नक्की यावरून राज्य सरकार काय निर्णय घेतं हे तीस-पस्तीस दिवसात कळेल. त्यानंतर मार्ग निघाला तर आनंदाची गोष्ट आहे. अन्यथा काय होईल हे आज सांगता येणार नाही.
हेही वाचा :
- Ajit Pawar VS Sharad Pawar : रोहित पवारांच्या कंपनीवर कारवाई; शरद पवार गट आक्रमक, आगामी निवडणुकीत 'रिटर्न गिफ्ट' देण्याचा इशारा
- Jayant Patil On Ramesh Kadam : शरद पवार ब्लॅकमेल प्रकरण; रमेश कदम कशाच्या आधारे आरोप करतात माहिती नाही, जयंत पाटलांनी केलं स्पष्ट
- Notice to Rohit Pawar : दोन मोठ्या नेत्यांच्या सांगण्यावरून मला नोटीस, रोहीत पवारांचा रोख नेमका कुणाकडे?
