पुणे - पंढरीच्या वाटेवर असलेल्या संत तुकाराम आणि संत ज्ञानेश्वर महाराजांच्या पालख्या मुक्कामासाठी गुरुवारी पुण्यात दाखल झाल्या आहेत. परंपरेनुसार तुकाराम महाराजांच्या पालखीचा मुक्काम नाना पेठेतल्या निवडुंगा विठ्ठल मंदिरात असून, भाविक तुकाराम महाराजांच्या पालखीचे, पादूकांचे दर्शन घेण्यासाठी भाविकांची सकाळपासूनच मोठी गर्दी बघायला मिळत आहे.
पंढरीच्या वाटेवर असलेल्या संत तुकाराम आणि संत ज्ञानेश्वर महाराजांच्या पालख्या गुरूवारी पुण्यात मुक्कामी आहेत. संत तुकाराम महाराजांच्या पालखीचा मुक्काम परंपरेनुसार पुण्यातील नाना पेठेतल्या निवडुंगा विठ्ठल मंदिरात असतो. मंदिर प्रशासनाने देखील याप्रसंगी जय्यत तयारी केली आहे.
संतांच्या पालख्या पुण्यात दाखल झाल्यानंतर पुणेकरांनी तसेच राज्यातून आलेल्या भाविकांनी तुकाराम महाराजांच्या पादुकांचे, पालखीचे दर्शन घेण्यासाठी सकाळपासूनच मोठी गर्दी केल्याचे चित्र आहे. हजारोंच्या संख्येने भाविक रांगा लावून तुकाराम महाराजांच्या पादुकांचे दर्शन घेत असून याप्रसंगी निवडुंगा विठ्ठल मंदिराच्या परिसरात मोठ्या प्रमाणात सुरक्षा व्यवस्था ही तैनात करण्यात आली आहे.
