पुणे : पुण्यातील सिंहगड कॉलेजच्या परिसरात २८ डिसेंबर २०२२ रोजी रात्री दहा वाजण्याच्या सुमारास अथर्व सुनील लाडके (वय २०, रा. सिंहगड व्हॅली, आंबेगाव बुद्रुक) हे त्याच्या मित्रासोबत (Pune Crime) गप्पा मारत बसले होते. (created terror by force of arms) या दरम्यान आरोपी करण दळवी आणि त्याचा साथीदार सुजित गायकवाड यांनी लोखंडी कोयता फिरवीत जाणाऱ्या येणाऱ्या लोकांना धाक दाखविला होता. (Main accused arrested from Beed)
शस्त्राच्या धाकावर लोकांना धमकविले : आरोपीने दुकानांच्या शटरवर आणि हातगाड्यांवर कोयत्याने वार करून नुकसान केले होते. यानंतर लोकांनी घाबरून दुकाने बंद केली. आरोपी करण दळवीने तन्मय ठोंबरे याच्यावर मानेवर कोयत्याने वार करून जखमी केले होते. त्याचवेळी सिंहगड रोड पोलिसांच्या मार्शल ड्युटीवरील पोलिसांनी पाठलाग करून यातील सुजित गायकवाड याला पकडून त्याला बेदम चोप देत भारती विद्यापीठ पोलिसांच्या हवाली केले होते.
गुप्त माहितीच्या आधारे अटक : मुख्य आरोपी हा करण हा पसार झाला होता. भारती विद्यापीठ पोलिसांना करण हा बीडमध्ये लपून बसल्याची माहिती मिळाली. त्यानुसार बीड येथून त्याचा शोध घेऊन पोलिसांनी त्याला ताब्यात घेतले आहे.
