पुणे - पंतप्रधान नरेंद्र मोदी यांचे आज (शुक्रवार) वायुसेनेच्या विमानाने लोहगाव विमानतळावर आगमन झाले. यावेळी राज्यपाल भगतसिंह कोश्यारी, केंद्रीय गृहमंत्री अमित शाह, मुख्यमंत्री उद्धव ठाकरे, विधानसभेचे विरोधी पक्षनेते देवेंद्र फडणवीस यांनी नरेंद्र मोदी यांचे स्वागत केले.
पुण्यातील पाषाण येथील भारतीय विज्ञान शिक्षण व संशोधन संस्थेमध्ये देशातील पोलीस महासंचालक परिषदेला आजपासून सुरुवात झाली. या परिषदेला पंतप्रधान मोदी उपस्थित राहणार आहेत.
हेही वाचा - गुजरातप्रमाणे राज्यातील हेल्मेटसक्ती रद्द करावी; हेल्मेटसक्ती विरोधी कृती समितीची मागणी
देशातील सर्व राज्याचे विविध विभाग, तपास यंत्रणाचे पोलीस महासंचालक, प्रमुखांची देशपातळीवरील डीजी कॉन्फरन्स पहिल्यांदाच ६ ते ८ डिसेंबरला पुण्यात होत आहे. या परिषदेला पंतप्रधान नरेंद्र मोदी यांच्यासह गृहमंत्री अमित शाह, राष्ट्रीय सुरक्षा सल्लागार अजित डोवाल, उपसल्लागार दत्ता पडसलगीकर यांची प्रमुख उपस्थिती असून १८० हून अधिक वरिष्ठ अधिकारी यात सहभागी होणार आहेत.
हेही वाचा - प्रेम, आत्महत्येचा प्रयत्न, अतिदक्षता विभागात लग्न आणि....
