पुणे Nagar Kalyan Highway Accident : नगर-कल्याण महामार्गावर माळशेज घाटात शुक्रवारी रात्री ११.३० वाजेच्या सुमारास एसटी बस आणि ट्रकचा भीषण अपघात झालाय. या अपघातामध्ये बसमधील जवळपास पंधरा ते वीस प्रवासी जखमी झाल्याची प्राथमिक माहिती आहे. माळशेज घाटात अपघात झाल्यानं वाहतूक खोळंबली आहे. दरम्यान या अपघातात जखमी झालेल्या प्रवाशांवर उपचार सुरू असल्याची माहिती सूत्रांनी दिली आहे.
नेमका कसा घडला अपघात : कल्याण–शिरोली बस ही शिरोली इथं मुक्कामी येत होती. कल्याणवरुन जुन्नरच्या दिशेनं ही बस येत असताना ट्रक कल्याणच्या दिशेनं जात होता. अपघातप्रसंगी ट्रक आणि बस हे दोन्ही वाहनं समोरासमोर आले आणि त्यांची धडक झाली. एसटी आणि ट्रकची धडक इतकी भीषण होती की, ट्रक जागीच पलटी झाला आणि बसचंही मोठं नुकसान झालं आहे. तसेच या जोरदार धक्क्यानंतर बसमधील सर्वच जण घाबरले. अपघातात ट्रक चालकासह अनेक जण गंभीर जखमी झाले आहेत.
जखमींंना करण्यात आलं रुग्णालयात दाखल : दरम्यान, घटनेची माहिती मिळताच स्थानिक पोलीस घटनास्थळी पोहोचले. त्यानंंतर तात्काळ जखमी प्रवाशांना उपचारासाठी आळेफाटा,ओतुर, नारायणगाव इथल्या रुग्णालयात दाखल करण्यात आलं. पोलिसांकडून रात्री उशिरापर्यंत गुन्हा दाखल करण्याचं काम सुरू होतं.
हेही वाचा :
