पुणे - खासदार उदयनराजे मुख्यमंत्री देवेंद्र फडणवीस यांच्यासह पुणे विमानतळावरून दिल्लीला रवाना झाले आहे. शनिवारी सकाळी अमित शाह यांच्या 6 कृष्ण मेनन मार्ग या शासकीय निवासस्थानी त्यांचा भाजपमध्ये प्रवेश होणार आहे.
यावेळी मुख्यमंत्री देवेंद्र फडणवीस यांच्यासह राज्यातील प्रमुख नेते उपस्थित असणार आहेत. राज्यात विधानसभा निवडणुकांचे वारे सुरू असताना राष्ट्रवादीचे अनेक नेते सेना भाजपमध्ये प्रवेश करत आहेत. त्यात आता उदयनराजे यांचाही समावेश होणार आहे. त्यासाठी ते आज पुणे विमानतळावरून दिल्लीसाठी रवाना झाले आहेत.
