पुणे - कोकणात जोरदार पाऊस पडत असून निवे गावालगत असलेल्या ताम्हिणी-कोलाड रस्त्यावर पुन्हा दरड कोसळली आहे. त्यामुळे पुणे-कोलाड सस्ता वाहतुकीसाठी बंद झाला आहे. गेल्या महिन्यात याच घाटामध्ये दरड कोसळ्यामुळे दोन दिवस वाहतूक ठप्प होती.
दरड रस्त्यावर पडल्यामुळे वाहतूक ठप्प झाली आहे. त्यामुळे पुणे-कोलाडला जोडणाऱ्या घाटात अनेक वाहने अडकली आहेत. त्यामुळे गणेशोत्सवानिमित्त घरी गेलेल्या चाकरमान्यांची पावसामुळे तारांबळ उडाली आहे.
हे ही वाचा - मुंबईत मध्यरात्रीपासून मुसळधार पाऊस, गणेशोत्सव काळातही सुरू असलेल्या शाळांना सुट्टी
गेल्या काही वर्षांमध्ये ताम्हिणी घाट रस्त्यामार्गे कोकणात जाणाऱ्या वाहनांच्या संख्येत लक्षणीय वाढ झाली आहे. सध्या या भागातील रस्त्याची रुंदी कमी-अधिक स्वरूपाची आहे. परिसरात जोराचा पाऊस आणि धुके आहे. रस्ता निसरडा झाला असून वाहन चुकीच्या बाजूने गेल्यास मोठा अपघात होऊ शकतो.
हे ही वाचा - हजारो बोटी जयगड बंदरात आश्रयाला; मुसळधार पावसाने वादळसदृश्य परिस्थिती
गणेशोत्सवाच्या आगमनाबरोबर परतलेला पाऊस राज्यभर कोसळत आहे. मंगळवारी मुंबई, ठाणे व पालघर जिल्ह्याला झोडपणाऱ्या पावसाने रात्रीपासून पश्चिम महाराष्ट्र, कोकण व विदर्भात बरसत आहे. गडचिरोलीत १०० गावांचा संपर्क तुटला आहे. तर, कोकण व पुण्यात धरण क्षेत्रातील गावांना सतर्कतेचा इशारा देण्यात आला आहे.
