खंडोबा मंदिरात यळकोट-यळकोट जय मल्हारच्या गजरात भंडाऱ्याची उधळण

माघ पौर्णिमा, धामणी, निमगाव, खरपुडी, कडधे या ठिकाणी कुलदैवत मानल्या जाणाऱ्या खंडोबाला भंडाराची उधळण करण्यासाठी आज पहाटेपासून राज्यभरातून भाविक खंडोबा मंदिरात दाखल झाले.

पुणे - माघ पौर्णिमा, धामणी, निमगाव, खरपुडी, कडधे या ठिकाणी कुलदैवत मानल्या जाणाऱ्या खंडोबाला भंडाराची उधळण करण्यासाठी आज पहाटेपासून राज्यभरातून भाविक खंडोबा मंदिरात दाखल झाले. सर्वत्र यळकोट यळकोट जय मल्हार असा जल्लोष करत चिमुकल्यांसह नागरिकांमध्ये यात्रेचा उत्साह पहायला मिळाला.

प्राचीन काळापासून ही कुलदैवतांची मंदिर उभी असून या खंडोबा मंदिरात माघ पौर्णिमेला मोठा जत्रा यांत्रांचा उत्सव साजरा केला जातो. राज्यभरातून या जय मल्हाराचे दर्शन घेण्यासाठी अनेकजण सहकुटुंब येत असतो. घरातील देव या ठिकाणी आणून त्यांची याठिकाणी पुजा केली जाते. तळीपंढाराची उधळण करत तळी भरली जाते. मोठ्या भक्तीभावाने प्रत्येक भाविक भंडारामध्ये पिवळा होऊन जातो.खंडोबा मंदिरात येऊन दर्शन घेत मंदिर आवारात जागरण गोंधळाचा कार्यक्रम मोठ्या थाटात मांडला जातो. नवीन लग्न झालेली जोडी या जागरणामध्ये सहभागी असतात. देवाला नैवद्य देऊन परतीचा प्रवास करतात, मात्र आज सर्व ठिकाणी वाहतूक कोंडीच्या समस्येचा नागरिकांना सामना करावा लागत आहे. आजचा दिवस शिवजन्मोत्सव व माघ पोर्णिमा असे दोन मारठमोळे उत्सव एकाच दिवशी असल्याने प्रत्येक गावात एक वेगळच वातावरण पहायला मिळत होते.