पुणे - श्री श्री 1008 खंडेश्वरी रवीनाथजी महाराजांच्या भक्तांनी शंख ढाल व विशाल भंडारा महासभेचे आयोजन केले. गोरक्षनाथ टेकडी येथील खेथानाथजी महाराज यांच्या पुण्यतिथीनिमित्त अभिवादन करण्यासाठी मध्यप्रदेशचे गृहमंत्री बाला बच्चन यांनी उपस्थिती लावली. त्यांच्या हस्ते अवसरी फाटा येथील गोरक्षनाथ टेकडीवर या सोहळ्याला सुरुवात झाली.
गोरक्षनाथ मंदिरात होम-हवन करून खेथानाथजी महाराज यांच्या प्रतिमेच्या पालखी सोहळ्याची मिरवणूक निघाली. यावेळी देशभरातून अनेक नाथपंथी साधू संत तसेच महंतांनी हजेरी लावली.
हेही वाचा - पुण्यातील प्रसिद्ध 'येवले चहा'मध्ये भेसळ असल्याचे सिद्ध
खंडेश्वरी रवीनाथजी महाराजांच्या कार्यक्रमासाठी उत्तर प्रदेशचे मुख्यमंत्री योगी आदित्यनाथ हे उपस्थित राहणार होते. मात्र, त्यांचा दौरा अचानक रद्द झाल्याने या कार्यक्रमासाठी मध्यप्रदेशचे गृहमंत्री बाला बच्चन यांनी उपस्थिती लावली.
