पुणे - देशात जीएसटीचा कायदा सभागृहाने संमत केला आहे. राज्य सरकारनेही हा कायदा लागू केला आहे. त्यामुळे जीएसटी हा देशाचा कायदा असून त्यावर टीका अयोग्य असल्याचे केंद्रीय अर्थमंत्री निर्मला सीतारामन यांनी म्हटले आहे. शहरातील चंद्रकांत पाटील मित्र परिवाराच्या वतीने आयोजित संवाद कार्यक्रमात त्या बोलत होत्या.
हेही वाचा - ७४० कोटींचे फसवणूक प्रकरण : सिंग बंधूंसह इतर आरोपींना चार दिवसांची पोलीस कोठडी
यावेळी बोलताना निर्मला सीतारामन यांनी परदेशातून उत्पादन, माल आयात करणे हे अयोग्य नाही. तर दर्जेदार आणि गुणवत्ता उत्पादन आयात करणे योग्य आहे. तसेच देशातील उत्पादनांची किंमत ही आयात केलेल्या उत्पादनापेक्षा 3 पट जास्त आहे. त्यामुळे उत्पादन आयात केले जात असल्याचे त्यांनी म्हटले आहे. तसेच बीएसएनएल आणि एमटीएनएल या 2 टेलिफोन कंपन्या देशाच्या महत्वाची संस्था आहेत. या कंपन्यांच्या पुनर्रचना संदर्भात मंत्रिगटाची बैठका सुरू असल्याचे सीतारामन यांनी सांगितले. देशातील पायाभूत सुविधांसाठी मोठ्या प्रमाणात निधी वर्ग करण्यात आला आहे. त्याचबरोबर ऑटो मोबाईल क्षेत्रात अडचणी आहेत. मात्र, आम्ही उद्योजकांशी बोलत असून परिस्थिती सुधारण्यासाठी प्रयत्न सुरू असल्याची माहिती त्यांनी यावेळी दिली.
