पुणे - 'स्त्रियांमधील कलागुण कौशल्य ओळखणे, त्याला साथ देणे, त्याला वाढवणे याबरोबरच त्यांच्यामधील कर्तृत्वाची शान सांभाळून ती जपणे हा पुरुषार्थच आहे, हे पतींनी पुरुषांनी लक्षात घ्यावे,' असे प्रतिपादन उपजिल्हाधिकारी गीतांजली शिर्के यांनी केले. त्या आंतरराष्ट्रीय महिला दिनानिमित्त आयोजित कार्यक्रमात बोलत होत्या.
पोलीस उपायुक्त पौर्णिमा तावरे म्हणाल्या, 'तुम्ही एक स्त्री आहे, म्हणून मागे पडू नका. तुमच्यातील बळ आणि जी क्षमता आहे, त्याच्या जोरावर तुम्ही तुमच्या कुटुंबाला खंबीर पाठबळ द्या.'
स्त्रियांचे आरक्षण ३३ टक्क्यावरून ५० टक्के होण्यासाठी झटले पाहिजे
राजीव जगताप म्हणाले की, 'स्त्री आणि पुरुष यांना समान मानले तर, स्त्रियांचे आरक्षण ३३ टक्क्यांवरून ५० टक्के होण्यासाठी झटले पाहिजे.' अभिनवच्या वडवडी, भोर येथील डिप्लोमा इंजिनियरिंग कॉलेजमध्ये पंचक्रोशीतील मुलींना मोफत वसतिगृह आणि शिक्षण देऊन मी महिलांसाठी उन्नतीसाठी खारीचा वाटा उचलत आहे. त्याचा मला अभिमान आहे. यावेळी माजी विद्यार्थिनींनी शाळेने दिलेले संस्कार, शिस्त, शिक्षकांचे योग्य मार्गदर्शन जीवनामध्ये उपयोगी पडले यासाठी शाळेचे आभार मानले.
