पुणे - सिंहगड परिसरात वावरणारा सराईत गुंड हसन शेख याची आज फिल्मी स्टाईलने पाठलाग करत गोळ्या घालून आणि कोयत्याने वार करून हत्या करण्यात आली. पुणे-सातारा रस्त्यावरील नारायणपूर येथे भररस्त्यात हा प्रकार घडला. दिवसाढवळ्या ही घटना घडल्यामुळे परिसरात प्रचंड खळबळ उडाली आहे.
हसन शेख हा पुण्यातील सिंहगड रोड पोलिसांच्या रेकॉर्डवरील सराईत गुन्हेगार आहे. आज सकाळी तो गाडीने पुणे-सातारा रस्त्याने जात असताना अज्ञात हल्लेखोरांच्या गाडीने त्याच्या कारला धडक दिली. यावेळी मारेकऱ्यांनी त्याच्यावर गोळीबार करत २ गोळ्या झाडल्या. त्यानंतर त्याला गाडीतून बाहेर काढत कोयत्याने सपासप वार करून त्याचा खून केला आणि पसार झाले. यावेळी परिसरात नागरिकांची एकच गर्दी जमली होती.
सासवड पोलिसांना घटनेची माहिती मिळताच घटनास्थळी दाखल होत त्यांनी मृतदेह ताब्यात घेतले. यासंदर्भात अधिक तपास सुरू आहे.
