पुणे - मंचर येथे कार चालकाचा ताबा सुटल्याने कार प्रवाशांसह डिंभा कालव्यात पडल्याची घटना घडली. या अपघातात पाच जण जखमी झाले आहेत. शहराबाहेरून कालव्याच्या बाजूने प्रवास करत असताना या कारचा अपघात झाला.
मंचर येथे कार चालकाचा ताबा सुटल्याने कार प्रवाशांसह डिंभा कालव्यात पडल्याची घटना घडली
कारमध्ये तीन पुरुष व दोन महिला असे एकाच कुटुंबातील पाच जण प्रवास करत होते. स्थानिक नागरिकांनी कारमधील नागरिकांना तातडीने बाहेर काढून रुग्णालयात दाखल केले. जखमींवर रुग्णालयात उपचार सुरु आहेत.
हेही वाचा - पुण्यातील राजकीय नेते सत्ता गणितात व्यस्त तर दुसरीकडे बळीराजा संकटात...
दरम्यान, मंचर शहरातील वाढते शहरीकरण पाहता वाहतूक कोंडी नित्याचीच झाली आहे. वाहतूक कोंडीपासून सुटका व्हावी यासाठी नागरिक पर्यायी रस्त्याचा वापर करतात. पर्यायी रस्त्याचा वापर करत असतानाच ही कार कालव्यात पडली.
