पुणे - पानटपरी चालवणाऱ्या भावंडांना सिगारेटचे पैसे मागितल्याच्या कारणावरून त्रिकुटाने बेदम मारहाण केल्याची घटना समोर आली आहे. संबंधित घटना वाकड पोलीस ठाण्याच्या हद्दीत काळेवाडी येथे घडली. या प्रकरणी वाकड पोलिसांनी तिघांना अटक केली आहे.
हेही वाचा - 39 व्या राज्यस्तरीय अजिंक्यपद मल्लखांब स्पर्धेचे पुण्यात आयोजन
रोहित ऊर्फ डोंग्या प्रभाकर वाघमारे (वय- 19), अजिंक्य ऊर्फ पवन श्‍याम देशमुख (वय -21), विकी राजू पठारे (वय- 21) अशी अटक करण्यात आलेल्या आरोपींची नावे आहेत. तर निजाम असरफअली खान (वय - 20 रा. काळेवाडी) यांनी आरोपीविरोधात पोलीस ठाण्यात तक्रार दिली आहे.
हेही वाचा - विवाहितेचा छळ केल्याप्रकरणी पतीसह तिघांविरोधात गुन्हा दाखल
पोलिसांनी दिलेल्या माहितीनुसार, फिर्यादी निजाम यांची काळेवाडी येथे एका हॉटेल समोर पानटपरी आहे. त्या टपरीवर आरोपी रोहित, अजिंक्य आणि विकी यांनी सिगारेट घेतली आणि पैसे न देताच निघून जात होते. तेव्हा, निजाम यांनी त्यांच्याकडे पैश्यांची मागणी केली. पैसे मागितल्याच्या कारणावरून निजाम आणि त्यांचा भाऊ रईस खान या दोन भावंडाना आरोपींनी दगडाने बेदम मारहाण केली. या घटनेत दोन्ही भाऊ जखमी झाले असून त्यांच्यावर खासगी रुग्णालयात उपचार सुरू आहेत. दरम्यान पोलिसांनी आरोपींना अटक केली आहे.
