पुणे - शिरुर लोकसभा मतदारसंघाची रणधुमाळी सुरू झाली असून पिंपरी-चिंचवड परिसरात राष्ट्रवादी काँग्रेसचे उमेदवार डॉ. अमोल कोल्हे यांनी दुचाकी रॅली काढली. या रॅलीत राष्ट्रवादीचे आमदार विलास लांडे व डॉक्टर अमोल कोल्हेंनी एकत्र येत रॅली काढली. लांडे काहीसे नाराज असल्याची चर्चाही पिंपरी परिसरात होती. मात्र, ते या रॅलीत सहभागी झाल्यामुळे रॅलीला विशेष महत्त्व प्राप्त झाले.
पिंपरी-चिंचवड आणि भोसरी परिसरातील अनेक नागरी प्रश्न प्रलंबित असून येत्या काळात हे सर्व प्रश्न सोडविण्यासाठी मतदारसंघातील माता माऊल्यांनी ही निवडणूक हाती घेतली असून त्यांना साथ देत आपल्याला शरद पवार यांचे हात बळकट करायचे आहेत. आज एका गोष्टीचे समाधान वाटते की, सर्व नाराज एकत्रित आले आहेत. मागील पंधरा वर्षात जे झाले नाही ते मी पाच वर्षात करून दाखवणार आहे.
मालिकेचे कामकाज संपल्यानंतर मी पूर्ण वेळ समाजासाठी देणार असल्याचे डॉ. अमोल कोल्हे म्हणाले.राष्ट्रवादी काँग्रेसच्या वतीने शिरूर मतदारसंघात दुचाकी रॅली काढण्यात आली. निगडी रुपीनगर पुढे मोरेवस्ती जाधववाडी मार्गे पिंपरी मधील अजमेर चौकात ह्या रॅलीचा समारोप झाला.