पुणे - मंचर पोलीस ठाण्याच्या बाजुलाच असणाऱ्या त्रिमूर्ती सोसायटीच्या पार्किंगमध्ये मध्यरात्रीच्या सुमारास 2 दुचाकी जळाल्याची घटना घडली. या गाड्या अज्ञात व्यक्तीने जाळल्याची स्थानिक नागरिकांनी प्राथमिक माहिती दिली आहे.
मंचरमध्ये त्रिमुर्ती सोसायटीत 2 दुचाकी जळून खाक
मंचर पोलीस ठाण्यापासून हाकेच्या अंतरावर असणाऱ्या त्रिमूर्ती सोसायटी पार्किंगमधील 2 दुचाकींना अचानक आग लागली. मात्र, नागरिकांच्या प्रसंगावधाने गाडींची आग विझविण्यात यश आले. यामध्ये दोन्ही दुचाकींचे मोठे नुकसान झाले आहे.
दरम्यान, पोलीस ठाण्याजवळच या दुचाकींना आग लागल्यामुळे नागरिकांमध्ये भीतीचे वातावरण आहे. या गाड्यांना आग लागली की लावली याचा पोलिसांकडून तपास सुरू आहे.
