पिंपरी-चिंचवड शहरात १९ वर्षीय तरुणीला कोरोनाचा संसर्ग; शहराचा आकडा ८५

आजपर्यंत पिंपरी-चिंचवड शहरात ८५ जणांना कोरोनाची लागण झाली आहे. त्यातील २४ जण बरे होऊन घरी परतले आहेत. तर चार जणांचा आजपर्यंत मृत्यू झाला आहे. यामध्ये एक रुग्ण शहराच्या बाहेरचा रहिवासी होता. आता ९ जणांवर पुण्यात उपचार सुरू आहेत.

पुणे - पिंपरी-चिंचवडमध्ये कोरोना दिवसेंदिवस उग्र रूप धारण करत आहे. आज देखील एक 19 वर्षीय तरुणी कोरोना पॉझिटिव्ह आढळली आहे. तिच्यावर महानगरपालिकेच्या रुग्णालयात उपचार सुरू आहेत. शहरातील कोरोना बाधितांचा आकडा ८५ वर पोहचला असून नागरिकांनी सतर्क राहण्याची गरज आहे.

पिंपरी-चिंचवड शहरातील मोशीमध्ये १९ वर्षीय तरुणीला कोरोना झाल्याचे निष्पन्न झाले आहे. शनिवारी देखील मोशी आणि दिघी येथील दोन व्यक्तींना कोरोनाचा संसर्ग झाल्याचे समोर आले आहे. त्यांच्यावर महानगर पालिकेच्या रुग्णालयात उपचार सुरू आहेत. सलग एकाच परिसरातील नागरिकांचे अहवाल पॉझिटिव्ह येत असल्याने मोशी परिसरात काळजीचे वातावरण आहे. खबरदारी म्हणून पिंपरी-चिंचवड शहर सील करण्यात आले आहे.आजपर्यंत पिंपरी-चिंचवड शहरात ८५ जणांना कोरोनाची लागण झाली आहे. त्यातील २४ जण बरे होऊन घरी परतले आहेत. तर चार जणांचा आजपर्यंत मृत्यू झाला आहे. यामध्ये एक रुग्ण शहराच्या बाहेरचा रहिवासी होता. आता ९ जणांवर पुण्यात उपचार सुरू आहेत.