परभणी - जिंतूर तालुक्यातील अंगलगाव शिवारातील एका विहिरीत विवाहितेसह चिमुकलीचा मृतदेह आढळल्याची धक्कादायक घटना घडली आहे. पोलिसांनी दोन्ही मृतदेह बाहेर काढले असून त्यांची ओळख पटवण्याचे काम सुरू आहे.
हेही वाचा - माझ्याकडे जन्माचा दाखला नाही, ..म्हणजे मी भारतीय नाही का?
बुधवारी दुपारी ही घटना उघडकीस आली. मृत महिलेचे वय २५ तर चिमुकली अंदाजे एक वर्षाची असल्याचा पोलिसांचा अंदाज आहे. विहिरीजवळ एक चपलेचा जोड आढळून आला आहे. या दोघी मायलेकी असल्याची शक्यता परिस्थितीवरून व्यक्त करण्यात येत आहे. राहणीमानावरून त्या शेतात काम करणाऱ्या असाव्यात, असा अंदाज पोलिसांनी व्यक्त केला.
हेही वाचा - 'नाईट लाईफमुळे महिला-मुलींची सुरक्षितता धोक्यात येईल, आमचा विरोध'
या दोघींनी आत्महत्या केली, की त्यांना कोणी विहिरीत ढकलून दिले, याबाबत साशंकता कायम आहे. या घटनेचा तपास जिंतूर पोलीस ठाण्याचे निरीक्षक अशोक घोरबांड करत आहे.
