पालघर - जिल्ह्य़ातील वाडा तालुक्यातील कुडूस येथील कृष्णा ज्वेलर्स दुकानामध्ये मध्यरात्रीनंतर अज्ञात चोरटय़ांनी दरोडा टाकल्याची घटना घडली आहे. यामध्ये चोरट्य़ांनी सोने-चांदीच्या वस्तूंसोबत एकूण ३ लाख ६० हजार रुपयांचा ऐवज लंपास केला आहे. याबाबत वाडा पोलीस ठाण्यात नोंद करण्यात आली आहे.
पालघर जिल्ह्य़ातील वाडा तालुक्यातील कुडूस येथील कृष्णा ज्वेलर्स दुकानामध्ये मध्यरात्रीनंतर अज्ञात चोरटय़ांनी दरोडा टाकल्याची घटना घडली.
वाडा तालुक्यातील कुडूस मध्ये मोठी बाजारपेठ आहे. या कुडूस येथील कृष्णा ज्वेलर्स दुकानात रात्री बारा वाजेच्या सुमारास दुकानाचे शटर तोडले आणि एकूण चांदी आणि सोने असा ३ लाख ६० हजार रूपयांचा ऐवज चोरून पोबारा केला. या प्रकरणी विकास सावळाराम चौधरी यांनी वाडा पोलिस ठाण्यात फिर्याद दिली आहे. तर या चोरी प्रकरणात सीसीटीव्ही कॅमेरे आणि डिव्हीडीआर चोरट्यांनी पळवून नेल्याची माहिती पोलीस सूत्रांकडून सांगितली जाते. अधिक तपास सहायक पोलीस निरीक्षक गोविंद बोऱ्हाडे करीत आहेत.
