एसटीचे तिकीट दर कमी करण्याची प्रवाशांची मागणी

नालासोपारा ते मुंबई प्रवास भाडे 60 रुपये असल्यामुळे ये-जा करण्यासाठी 120 रुपये भरावे लागत आहे. दररोज तिकीटासाठी 120 रुपये खर्च केले तर आपल्या हातात काय उरणार? असा प्रश्न कर्मचाऱ्यांना पडला आहे. त्यामुळे एसटीचे तिकीट दर कमी करण्याची मागणी प्रवाशांनी केली आहे.

पालघर - सरकारने अनलॉक 1 जाहीर केल्यानंतर परिवहन मंत्री अनिल परब यांनी कर्मचाऱ्यांना मुंबईकडे प्रवास करण्यासाठी एसटी सेवा उपलब्ध केली आहे. मात्र, या एसटीचे नालासोपारा ते मुंबई प्रवास भाडे 60 रुपये असल्यामुळे ये-जा करण्यासाठी 120 रुपये भरावे लागत आहे. दररोज तिकीटासाठी 120 रुपये खर्च केले तर आपल्या हातात काय उरणार? असा प्रश्न कर्मचाऱ्यांना पडला आहे.

पहाटेपासून रांगा लावूनसुद्धा तीन-तीन तास रांगेत उभं राहावं लागत आहे. त्यामुळे कामावर जाण्यास लेट होत असल्याचे प्रवाशांनी म्हटले आहे. वेळेत कामावर न गेल्यास कामावरून काढून टाकण्याची धमकीही कंपनीकडून देण्यात येत आहे. त्यामुळे काय करावे, असा मोठा प्रश्न कर्मचाऱ्यांना पडला आहे.

नालासोपारा एसटी डेपोतून दिवसाला दीडशे एसटी बसेस सोडण्यात येत आहेत. मात्र, त्या प्रवाशांना अपुऱ्या पडत असल्याने भल्या मोठ्या रांगा येथे लागत आहेत. रेल्वेतून खासगी अत्यावश्यक सेवेतील कर्मचाऱ्यांना सोडल्यास एसटीवरील भार कमी होईल.

एसटीचे तिकीट दर कमी करण्याची प्रवाशांची मागणी