पालघर - कोरोना विषाणुचा होणारा संभाव्य संसर्ग रोखण्यासाठी प्रतिबंधात्मक उपाययोजना करण्याचे प्रयत्न सुरू आहेत. याचाच भाग म्हणून ३१ मार्चपर्यंत जिल्हाधिकारी, उपजिल्हाधिकारी व इतर अधिकारी कर्मचारी कार्यालयांमध्ये नागरिकांनी समक्ष भेटण्याचे टाळावे, असे आवाहन जिल्हाधिकारी डॉ. कैलास शिंदे यांनी केले आहे. तसेच नागरिकांनी ई-मेल व पोस्टाने सर्व कार्यालयात निवेदन, हरकती, तक्रार अर्ज करण्याचे आवाहन त्यांनी केले.
प्रशासकीय कार्यालयांमध्ये नागरिकांनी समक्ष भेटण्याचे टाळावे, असे आवाहन जिल्हाधिकारी डॉ. कैलास शिंदे यांनी केले आहे.
नागरिकांनी ईमेल व पोस्टाने पाठविलेली निवेदने, तक्रारी पूर्णतः विचारात घेऊन त्यावर उपाययोजना करण्यात येणार असल्याचे शिंदे यांनी सांगितले. यासाठी जिल्हाधिकारी कार्यालयाच्या आवारात बॅनर लावण्यात आले आहेत.
