पालघर - अरबी समुद्रात कमी दाबाचा पट्टा तयार झाला आहे. त्यामुळे येत्या काही दिवसात पश्चिम किनारपट्टीला निसर्ग चक्रीवादळाचा तडाखा बसण्याची शक्यता आहे. या चक्रीवादळाची शक्यता लक्षात घेता पालघर जिल्ह्याच्या किनारपट्टी भागातील नागरिकांनी आणि विशेषतः मच्छीमारांना सतर्क राहण्याचे आवाहन पालघरचे जिल्हाधिकारी डॉ. कैलास शिंदे यांनी केले आहे.
पालघर जिल्हाधिकारी डॉ. कैलास शिंदे यांची प्रतिक्रिया...
अरबी समुद्राच्या अग्नेय दिशेला आणि लगतच्या पूर्व-मध्य अरबी समुद्रात तसेच, लक्षद्वीपजवळ कमी दाबाचे क्षेत्र निर्माण झाले आहे. येत्या ४८ तासांमध्ये या क्षेत्राची तीव्रता वाढून त्याचे चक्रीवादळात रूपांतर होण्याचा अंदाज आहे. 'निसर्ग' असे त्याचे नामकरण करण्यात आलेले आहे.
