पालघर : वसई-विरार महानगरपालिका क्षेत्रात सध्या कोरोनाचा प्रादुर्भाव वाढत आहे. वसई-विरारमध्ये शनिवारी एकाच दिवसात 224 नवे कोरोना पॉझिटिव्ह रुग्ण आढळून आल्याने नागरिकांच्या चिंतेत भर पडली आहे. शनिवारी दिवसभरात 2 रुग्णांचा कोरोनामुळे उपचारादरम्यान मृत्यू झाला आहे. तर 277 रुग्णांनी कोरोनावर मात केली असून त्यांना डिस्चार्ज देण्यात आला आहे.
शनिवारी आलेल्या कोरोना चाचणीच्या अहवालानंतर वसई-विरार महानगरपालिका क्षेत्रातील एकूण कोरोना रुग्णांची संख्या 5 हजार 960 वर जावून पोहोचली आहे. वसई विरारमध्ये आतापर्यंत एकूण 127 रुग्णांचा कोरोनामुळे उपचार घेत असताना मृत्यू झाला आहे. पालिका क्षेत्रात आतापर्यंत 2 हजार 668 रुग्ण कोरोनातून पूर्णपणे बरे झाल्याने त्यांना रूग्णालयातून डिस्चार्ज देण्यात आला आहे. तर सध्या सक्रिय कोरोनाबाधित रूग्णांवर रूग्णालयांमध्ये उपचार सुरू आहेत.
