पालघर Bus Accident News : पालघरच्या मनोर-विक्रमगड रोडवर बस आणि डंपरमध्ये भीषण अपघात झाला. या अपघातात दोन जणींचा जागीच मृत्यू झाला. तर 15 प्रवासी जखमी झाले आहेत. जखमींना रुग्णालयात दाखल करण्यात आले आहे.
बसमधील दोन चिमुकल्यांचा जागीच मृत्यू : याबाबत सविस्तर माहिती अशी की, पालघरच्या (Palghar) मनोर विक्रमगड रोडवर आज (३० डिसेंबर) बस आणि डंपरमध्ये भीषण अपघात झाला. मनोर विक्रमगड रोडवर बोरांडा येथे भरधाव डंपरने बसला समोरुन जोरदार धडक दिली. ही धडक इतकी भीषण होती की, यामध्ये बसमधील दोन चिमुकल्यांचा जागीच मृत्यू झाला तर 15 प्रवासी गंभीर जखमी झाले आहेत.
जखमींना उपचारासाठी रुग्णालयात केले दाखल : यावेळी पालघरचे खासदार राजेंद्र गावितही घटनास्थळी दाखल झाले. त्यांनी तत्काळ जखमींना मदत करत उपचारासाठी रुग्णालयात हलवले. अपघातात जखमी झालेल्यांपैकी काही जण गंभीर असल्याचं सांगण्यात येत आहे. या अपघातात एसटी बसचा चक्काचूर झाला आहे.
डंपरनं बहीण भावाला चिरडल्याची दुर्दैवी घटना : (Nagpur Accident News) शुक्रवारी असाच एक अपघात नागपुरात घडला होता. शहरालगत असलेल्या बिडगाव भागात कचरा वाहून नेणाऱ्या भरधाव डंपरनं बहीण भावाला चिरडल्याची दुर्दैवी घटना शुक्रवारी सकाळी घडली होती. यामध्ये १६ वर्षीय अंजली सैनी ही बहीण आणि १८ वर्षीय सुमित सैनी या भावाचा जागीच मृत्यू झाला होता. मुलगी एका इंटरनेट कॅफेत काम करत होती तर भाऊ गॅरेजमध्ये काम करत होता. बहीण भावाला डंपरने चिरडल्यानंतर संतप्त झालेल्या जमावाने डंपर जाळला आणि इतर गाड्यांच्या काचा ही फोडल्या होत्या. बिडगाव परिसरात प्रचंड तणाव निर्माण झाला होता.
हेही वाचा -
