उस्मानाबाद - जिल्ह्याचे खासदार ओमराजे निंबाळकर यांच्यावर बुधवारी चाकू हल्ला झाला होता. शिवसेना विधानसभेचे उमेदवार कैलास पाटील यांच्या प्रचाराला गेले असता खासदार राजेनिंबाळकर यांच्यावर हा चाकूहल्ला करण्यात आला. यावेळी त्यांच्या हाताला किरकोळ दुखापत झाली होती. या प्रकरणी पोलिसांनी आरोपीला अटक करण्यात आली असून न्यायालयाने आरोपीला ५ दिवसांची पोलीस कोठडी सुनावली आहे.
जिल्ह्याचे खासदार राजेनिंबाळकर यांच्यावर झालेल्या चाकू हल्ल्याप्रकरणी आरोपी अजिंक्य टेकाळे यास काल शिराढोण पोलिसांनी अटक केली होती. याप्रकरणी त्याला आज(गुरुवारी) कळंब येथील प्रथम वर्ग न्यायदंडाधिकारी यांच्या समोर पोलीस बंदोबस्तात हजर केले होते. यावेळी संबंधित तपासणी अधिकारी यांनी गुन्ह्याबदल पूर्ण माहिती दिली. तसेच गुन्ह्याबाबत चौकशी करून आरोपीस जास्तीत-जास्त दिवसांची पोलीस कोठडीची मागणी केली.
हेही वाचा - ओमराजेंनी लोकांचे संसार बुडवल्याचा राग म्हणून केला हल्ला; आरोपीचा व्हिडिओ व्हायरल
सरकारी वकिलांनीही युक्तिवाद मांडून आरोपीस त्याच्या गुन्ह्याबद्दल जास्तीत जास्त पोलीस कोठडीची मागणी केली. तर, आरोपीच्या वकिलांनी आरोपीच्या बाजूने युक्तिवाद करून आरोपीस न्यायालयीन कोठडीची मागणी केली. दोन्ही बाजूचा युक्तिवाद ऐकून न्यायालय यांनी आरोपीस 22 ऑक्टोबरपर्यंतची ५ दिवसांची पोलीस कोठडी सुनावली आहे.
हेही वाचा - खासदार ओमराजेंवर हल्ला करणारा आरोपी भाजपचा कार्यकर्ता?
