नाशिक - येवला शहर व तालुका पोलीस ठाणे हद्दीतील तसेच मनमाड पोलीस ठाण्याच्या हद्दीतील मोटारसायकल चोरी करणाऱ्या चोरट्यांना पोलिसांनी ताब्यात घेऊन त्यांच्याकडून 16 मोटरसायकल जप्त केल्या आहेत.
16 मोटारसायकल हस्तगत -
यासंदर्भात पोलिसांना गुप्त माहिती मिळाली होती. या गुप्त माहितीच्या आधारे येवला तालुका पोलिसांनी मोटरसायकल चोरी करणाऱ्या चार मोटरसायकल चोरांना अहमदनगर कोपरगाव तालुक्यातील कोळपेवाडी येथून दोन व चांदवड तालुक्यातील बडाने येथून दोन आरोपींना 16 मोटरसायकलसह ताब्यात घेण्यात आले आहे. ही पोलीस निरीक्षक अनिल भवारी यांच्यासह सहाय्यक निरीक्षक उज्वलसिंह राजपूत, एकनाथ भिसे, पोलीस शिपाई आबा पिसाळ, मुकेश निकम, सतीश मोरे, गणेश सोनवणे, संदीप सांगळे आदी यांनी केली. पुढील तपास तालुका करत आहे.
हेही वाचा - अतिवृष्टीमुळे रस्त्यांचे १ हजार ८०० कोटींचे नुकसान; अशोक चव्हाण यांची माहिती
