नाशिक- जिल्हा शासकीय रुग्णालयात चार हात-पाय, दोन तोंडे मात्र पोट आणि छातीचा भाग एक असलेल्या सयामी जुळ्या बाळांचा जन्म झाला आहे. या जुळ्या बाळांना जन्म देणाऱ्या महिलेचे नाव मंदा दिलीप वारडे (वय 30) असे आहे. नाशिक जिल्ह्यात सयामी जुळे असलेल्या बाळांचा जन्म झाल्याची ही पहिलीच वेळ असल्याचे बोलले जात आहे.
अत्यंत आव्हानात्मक व गुंतागुंतीची ही प्रसुती होती. मात्र, जिल्हा रुग्णालयातील तज्ञांनी कौशल्यपूर्ण पद्धतीने ही प्रसुती करुण यश मिळवले आहे. जन्मलेल्या सयामी जुळ्यांच्या लिंगाबाबत अद्याप कुठलेही निदान होऊ शकले नाही. मात्र मातेची प्रकृती उत्तम असल्याचे डॉक्टरांनी सांगितले आहे. बालकांना अतिदक्षता विभागात उपचारासाठी ठेवले आहे.
मातेच्या गर्भाशयात एकाच बीजांडापासून वेगळे होऊन किंवा दोन विभिन्न बिजांडांच्या शुक्राणूच्या मिलनामुळे दोन गर्भास जुळे म्हटले जाते. अशा गर्भातून जन्मलेला नवजात शिशू हे दोन्ही मुले, मुली किंवा एक मुलगाही असू शकतो. मात्र मंदा यांना झालेल्या सयामी जुळ्या बाळांचे लिंग अद्याप डॉक्टरांना समजू शकले नाही. मंदा यांना सयामी जुळ्या बाळांव्यतिरिक्त दोन मुली सुद्धा आहे. नवजात बालकांना अतिदक्षता विभागात दाखल करण्यात आले आहे.
गर्भारपणात मातेच्या काही सोनोग्राफी चाचण्या करायच्या असतात. त्या न केल्याने जुळे मुले होणार असल्याचे लक्षात येत नाही. आता या जुळ्या बाळांपैकी एक मुलगा असल्याचे लक्षात आले आहे. तर दुसरा मुलगी किंवा मुलगा असल्याचे समजू शकत नसून लवकर या बालकांवर डॉक्टर रिना राठी मोफत शस्त्रक्रिया करणार असल्याचे त्यांनी सांगितले आहे.
