मनमाड उपजिल्हा रुग्णालयात लाच घेताना दोघांना अटक

उपजिल्हा रुग्णालयातील दोघांना नाशिकच्या एसीबी (लाचलुचपत प्रतिबंधक विभाग) पथकाने तीन हजार रुपयांची लाच घेताना रंगेहाथ पकडले. एस.एस.पोद्दार (स्त्रीरोग तज्ञ) व प्रवीण राठोड (कक्ष सहाय्यक) या दोघांवर गुन्हा दाखल करण्यात आला आहे.

नाशिक - उपजिल्हा रुग्णालयातील दोघांना नाशिकच्या एसीबी (लाचलुचपत प्रतिबंधक विभाग) पथकाने ३ हजार रुपयांची लाच घेताना रंगेहाथ पकडले. बाळंतपणासाठी दाखल करण्यात आलेल्या महिलेची शस्त्रक्रिया करण्यासाठी डॉक्टरांनी ही लाच मागितली होती.

एस. एस. पोद्दार (स्त्रीरोग तज्ञ ) व प्रवीण राठोड (कक्ष सहाय्यक) या दोघांवर गुन्हा दाखल करण्यात आला आहे. बाळंतपणासाठी दाखल झालेल्या महिलेची शस्त्रक्रिया करण्यासाठी डॉक्टर पोद्दारांनी सात हजार रुपयांची लाच मागितली होती. सदर महिलेच्या नातेवाईकांनी याबाबत नाशिकच्या लाचलुचपत प्रतिबंधक विभागात तक्रार केली. आज(शुक्रवार) रुग्णालयाच्या आवारात एसीबीच्या पथकाने सापळा रचत, ठरलेल्या सात हजारांपैकी तीन हजार रुपयांची लाच घेताना डॉक्टर पोद्दार आणि पक्ष सहाय्यक राठोड यांना रंगेहाथ पकडले. या घटनेमुळे वैद्यकीय क्षेत्रात खळबळ उडाली आहे.