नाशिक- शहरातील भुजबळ फार्म येथे महाराष्ट्र स्टेट को ऑप बँकेचे एटीएम चोरट्यांनी फोडल्याची घटना घडली. विशेष म्हणजे एटीएमजवळ सुरक्षारक्षक असतानाही ही चोरी झाल्याने आश्चर्य व्यक्त होत आहे. अज्ञात चोरांनी किती रक्कम चोरली याचा तपास पोलीस घेत आहेत.
सुरक्षा रक्षक असतानाही चोरट्यांनी फोडले एटीएम मशीन
सुरक्षा रक्षकाचीही चौकशी
घटनास्थळी अंबड पोलीस ठाण्याचे वरिष्ठ पोलीस निरीक्षक कुमार चौधरी हे पथकासह दाखल झाले असून पुढील तपास सुरू आहे. मात्र, एटीएममधून किती रक्कम चोरण्यात आली याची चौकशी सुरू आहे. तसेच सुरक्षा रक्षक असताना ही चोरी झाल्यामुळे सुरक्षा रक्षकाचीही चौकशी पोलिसांमार्फत करण्यात येत आहे.
