नाशिक - आज रमजान ईद निमित्त शहरातील ठिकठिकाणीच्या ईदगाह मैदानावर मुस्लीम बांधवांनी सामूहिक नमाज पठण केले. यावेळी सर्वपक्षीय नेत्यांनीदेखील हजेरी लावली होती. नवनिर्वाचित खासदार हेमंत गोडसे यांच्यासह सर्वपक्षीय नेतेमंडळी यावेळी उपस्थित होते. दरम्यान, पोलीस आयुक्त विश्वास नांगरे-पाटील यांनी यावेळी लहान मुलांना गुलाब पुष्प देऊन ईदच्या शुभेच्छा दिल्या.
नाशकासह संपूर्ण जिल्ह्यात रमजान ईद उत्साहात साजरी...
नमाज पठणाच्या वेळी मुस्लीम बांधवांनी देशात सर्वत्र चांगला पाऊस होण्यासाठी प्रार्थना केली. रमजान ईदचे मुख्य नमाजपठण झाल्यानंतर शहरात सर्वत्र ईदचा जल्लोष व उत्साह पाहायला मिळाला. मंगळवारपासूनच हॉटेल, बाजारपेठ या परिसरात मोठी गजबज होती. आज हिंदू मुस्लिम बांधवांनी एकमेकांना ईदच्या शुभेच्छा दिल्या.
