नाशिक - शहरात ऑक्सिजन उपलब्ध होत नसल्याने उपचार घेत असलेल्या रुग्णांना रुग्णालयातून हलवण्याची वेळ ओढवली आहे. यातच रुग्णालयामध्ये ऑक्सिजन व रेमडिसिवीर उपलब्ध होत नाही. हीच परिस्थिती राहिली तर येत्या दोन दिवसात परिस्थिती गंभीर होईल, असा इशारा हॉस्पिटल असोसिएशनच्या वतीने जिल्हा प्रशासनाला देण्यात आला आहे.
नाशिक शहरात गेल्या महिनाभरापासून कोरोनाने थैमान घातले आहे. शहरात दररोजच हजारो बाधितांची भर पडत असल्याने आता रुग्णालयामध्ये ऑक्सिजन आणि इतर सुविधा उपलब्ध होत नाही. हीच परिस्थिती राहिल्यास पुढील दोन दिवसात रुग्णांवर उपचार करणे अवघड होईल, अशी भीती हॉस्पिटल असोसिएशनच्या वतीने जिल्हा प्रशासनाला देण्यात आला आहे. हॉस्पिटल असोसिएशनच्यावतीने पत्रकार परिषद घेऊन बिघडलेल्या या परिस्थितीला जिल्हा प्रशासन अप्रत्यक्षपणे जबाबदार असल्याचा आरोपही यावेळी करण्यात आला. तर येत्या दोन दिवसांत जिल्ह्यासह नाशिक शहरातील खासगी रुग्णालयांना ऑक्सिजन आणि रेमडिसिविर उपलब्ध करून देण्याची मागणी यावेळी करण्यात आली असून दोन दिवसांत मागण्यांची पूर्ण न झाल्यास खासगी डॉक्टर असोसिएशनने काम करण्यात असमर्थता दर्शवली आहे.
ऑक्सिजन अन् इंजेक्शन उपलब्ध होत नसल्याने रुग्णांना इतरत्र हलवण्याची परिस्थिती
नाशिक जिल्ह्यासह शहरातील कोरोना बाधितांची संख्या दररोज मोठ्या झपाट्याने वाढत आहे. शहरातील कोरोना बाधित रुग्ण संख्या पैकी जवळपास 80 टक्क्यांहून अधिक रुग्ण आहे. शहरातील विविध खासगी रुग्णालयांमध्ये उपचार घेतात. मात्र, आता खासगी रुग्णालयांमध्ये पुरेशा प्रमाणात ऑक्सिजन आणि इंजेक्शनचा साठा उपलब्ध होत नसल्याने रुग्णांना इतरत्र हलवण्याची परिस्थिती रुग्णालय प्रशासनावर ओढावली आहे. यामुळेच आता अशीच परिस्थिती कायम राहिल्यास खासगी रुग्णालयांनी उपचार करण्यास असमर्थता दर्शवली आहे. यामुळे येत्या काळात वैद्यकीय क्षेत्रामध्ये मोठ्या प्रमाणावर घडामोडी घडण्याची शक्यता वर्तवली जात आहे.
हेही वाचा - शववाहिका न मिळाल्याने तरुणीने खासगी वाहानातून स्मशानभूमीपर्यंत नेला आईचा मृतदेह
हेही वाचा - नाशिक : ऑक्सिजनचा तुटवडा, रुग्णांवर उपचारासाठी डॉक्टर हतबल
