नाशिक - ऐनवेळी भाजपचे बंडखोर बाळासाहेब सानप यांना राष्ट्रवादीने तिकीट दिल्याने राष्ट्रवादीतील नाराज गटाने फलकबाजी करत बंडखोरांना विरोध दर्शवला आहे. राष्ट्रवादी काँग्रेस भवनाच्या समोरच हा फलक लावण्यात आल्याने नाशिकच्या राजकीय वर्तुळात खळबळ उडाली आहे.
हेही वाचा - नाशिकमध्ये भाजप उमेदवारीची बंडखोरी, सरोज अहिरे राष्ट्रवादीकडून लढणार
'घरका भेदी लंका ढाये...', गद्दारांचा अन्याय निष्ठावान कदापि सहन करणार नाही, अशा आशयाचे फलक लावण्यात आले आहेत. राष्ट्रवादीचे माजी आमदार जयंत जाधव, शहराध्यक्ष रंजन ठाकरे, काँग्रेसचे शहराध्यक्ष शरद आहेर यांचे रावण्याच्या मुखवट्यात फोटो लावण्यात आले. राष्ट्रवादीच्या नाराज कार्यकर्त्यांच्या फलकबाजीने बंडखोरांच्या संघर्षात आणखी भर पडली आहे.
