येवल्यातील दिव्या खळेला 'राष्ट्रीय जीवनरक्षा' पुरस्कार जाहीर

केंद्रीय गृहमंत्र्यालाकडून पुरस्कार जाहीर होताच दिव्याचे सर्व स्तरातून कौतुकाचा वर्षाव होत आहे. पालक सोमनाथ काळे यांचा देखील आनंद द्विगुणित झाला आहे.

येवला (नाशिक):- येवल्यातील दिव्या सोमनाथ खळे हिला राष्ट्रीय जीवनरक्षा पुरस्कार जाहीर करण्यात आला आहे. केंद्रीय गृहमंत्र्यालाने हा पुरस्कार जाहीर केला आहे. 2018 साली गणेश उत्सवमध्ये लायटिंगच्या माळेला चिटकलेला आठ वर्षीय ज्ञानेश्वर परसुरे या मुलाचे प्राण वाचवल्याबद्दल दिव्याला हा पुरस्कार जाहीर करण्यात आला आहे.

दिव्याच्या धाडसाची केंद्रीय गृहमंत्र्याल्याकडून दखलदिव्याने याआगोदर एका मुलाला पाण्यात बुडताना वाचवले होते. 2018 साली गणेशोत्सवात सायंकाळी आरतीनंतर सर्व मुले खेळत असताना 8 वर्षीय ज्ञानेश्वरने लाईटची माळ पकडल्यामुळे त्याला शॉक बसला. ही घटना बघताच दिव्याने ज्ञानेश्वरला खेचले व त्याचे प्राण वाचवले. दिव्याच्या या शौर्याची दखल घेत केंद्र सरकारने हा पुरस्कार जाहीर केला आहे.

घरात आनंदाचे वातावरण
केंद्रीय गृहमंत्र्यालाकडून पुरस्कार जाहीर होताच दिव्याचे सर्व स्तरातून कौतुकाचा वर्षाव होत आहे. पालक सोमनाथ काळे यांचा देखील आनंद द्विगुणित झाला आहे. एकंदरीत घरात आनंदाचे वातावरण आहे.