नाशिक: द्राक्षाची पंढरी म्हणून नाशिकची ओळख आहे. दरवर्षी लाखो टन द्राक्ष निर्यात होत असतात. यातून कोट्यावधीचे परकीय चलन भारताला मिळाले आहे. यंदा नाशिक जिल्ह्यात 62 हजार 982 हेक्टर क्षेत्रावर द्राक्षांची लागवड केली गेली. यात दिंडोरी, निफाड, नाशिक हे तालुके द्राक्ष उत्पादनात अग्रेसर आहेत. विशेष म्हणजे राज्यातील 91 टक्के द्राक्ष निर्यात एकट्या नाशिक जिल्ह्यातून होते. यंदा तर नववर्षाच्या पहिल्या दहा दिवसात एकट्या युरोप खंडामध्ये नाशिक जिल्ह्यातून 197 मेट्रिक टन द्राक्ष रवाना झाली होती. त्यानंतर आता दीड महिन्यात युरोप खंडात आतापर्यंत जवळपास 25 हजार मेट्रिक टन द्राक्ष निर्यात झाली आहे. त्यात नेदरलँड या देशांमध्ये सर्वाधिक 20 हजार मेट्रिक टन तर सर्वांत कमी ऑस्ट्रिया या देशात 13 टन द्राक्ष निर्यात झाली आहे.
'या' देशात होते द्राक्षांची निर्यात: युरोपियन खंडातील जर्मनी, नेदरलँड, बेल्जियम ,युके आणि डेन्मार्क हे द्राक्षाची आयात करणारे मुख्य देशात, युरोपो वगळता इतर खंडाचा विचार केला तर रशिया,कॅनडा ,तुर्की आणि चीन या देशातून द्राक्षांना मोठी मागणी असून येथेही मोठ्या प्रमाणावर द्राक्षांची निर्यात झाली आहे,15 फेब्रुवारी नंतर निर्यातीचा खरा काळा सुरू झाला असून द्राक्षाला योग्य दर मिळावा यात घसरण होऊ नये अशी अपेक्षा शेतकरी व्यक्त करतात.
निर्यातक्षम द्राक्ष:
महाराष्ट्रातून होणाऱ्या निर्यातक्षम द्राक्षांमध्ये --
1) हिरवे द्राक्ष: सोनाका, थामसन सीडलेस, माणिक चमन, सुपर सोनाका, तास- ए -गणेश
2) रंगीत द्राक्ष: शरद सीडलेस, क्रीमसन सीडलेस, फ्लेम सिडलेस, रेड ग्लोब, मेडिका
युरोपियन देशात निर्यात झालेली द्राक्ष:
जिल्हा- द्राक्ष निर्यात मेट्रिक टन
नाशिक- 25000
सातारा- 350
सांगली- 900
अहमदनगर- 150
लातूर- 24
पुणे- 49
उस्मानाबाद- 15
नाशिक जिल्ह्यातील मागील वर्षामधील द्राक्ष निर्यात
2018-19 -- 1 लाख 46 हजार 113
2019-20 -- 1 लाख 16 हजार 767
2020-21 -- 1 लाख 28 हजार 912
2021-22 -- 1 लाख 10 हजार 484
2022-23 -- 34 हजार 988 आतपर्यंत
यंदा एवढे द्राक्ष निर्यातीचे टार्गेट: नाशिक जिल्हा हा भारतामध्ये द्राक्ष निर्यातीत प्रथम क्रमांक आहे. आतापर्यंत नाशिक जिल्ह्यात 63 हजार हेक्टर क्षेत्रावर द्राक्षाची लागवड झाली आहे. यामध्ये निफाड, दिंडोरी, नाशिक, चांदवड या तालुक्यांचा समावेश होतो. आतापर्यंत 35 हजार मेट्रिक टन द्राक्षांची निर्यात झाली आहे. यात सर्वाधिक पंचवीस हजार मेट्रिक टन द्राक्ष यूरोपीय देशांमध्ये गेली आहेत. यंदा द्राक्षाची पत चांगली आहे. यावर्षी जवळपास 1 लाख 20 हजार मेट्रिक टन द्राक्ष निर्यात होतील अशी अपेक्षा आहे, अशी माहिती जिल्हा कृषी अधिकारी विवेक सोनवणे यांनी दिली.
हेही वाचा: Farmer Suicide : कर्जबाजारीपणामुळे शेतकरी महिलेची आत्महत्या; अंत्यसंस्कार होताच पतीनेही संपवले जीवन
