नाशिक जिल्ह्यात मुसळधार पाऊस, पिकांचे मोठे नुकसान

नाशिक जिल्ह्यातील मालेगाव, कळवण तालुक्यात जोरदार वाऱ्यासह मुसळधार पावासाने हजेरी लावली. यामुळे दोन्ही तालुक्यातील मका व उसाच्या पिकाचे मोठे नुकसान झाले आहे. नुकसान झालेल्या पिकांचे पंचनामे करून मदत करावी, अशी मागणी शेतकरी करत आहेत.

नाशिक - जिल्ह्यातील मालेगाव, कळवण तालुक्यात आज (दि. 6 सप्टें) सायंकाळी पावसाने जोरदार वाऱ्यासह जोरदार हजेरी लावली. यामुळे दोन्ही तालुक्यातील मका व उसाच्या पिकाचे मोठे नुकसान झाले आहे तर तालुक्यातील अनेक ठिकाणी मक्याची पिके जमिनदोस्त झाले आहेत.

कळवण तालुक्यातील भेंडी, बेज गावातील मका पिक शेतकऱ्यांचे 30 ते 40 टक्के मका पिकाचे नुकसान झाले असून पंचनामा करुन नुकसान भरपाई मिळावी, अशी मागणी शेतकऱ्यांनी केली आहे. तर सबंधित विभागाला मका पिकाचे पंचनामे करण्याचे आदेश तहसिलदार बंडू कापसे यांनी दिले आहेत.

दुसरीकडे मालेगाव तालुक्यातील सटाणा, नांदगाव, मालेगाव परिसरातही मोठा पाऊस झाला. जोरदार वाऱ्यामुळे तालुक्यातील विविध ठिकाणच्या उसाचे पिक वाकल्याने नुकसान झाले. नुकसानग्रस्त शेतकऱ्यांनी पंचनामे करुन नुकसान भरपाईची मागणी केली आहे.

हेही वाचा - वादळी पावसाने येवल्यातील मका पीक जमीनदोस्त