नाशिक : नाशिकच्या पाथर्डी गावातील नवले मळ्यात 15 दिवसांपूर्वी नर बिबट्या जेरबंद झाला होता. त्यानंतरही वाडीचेरान मळ्यात बिबट्याची मादी व दोन बछड्यांच्या वावर होता. डेमसे मळ्यात रविवारी सायंकाळी उसाच्या शेतात बिबट्याचे तीन बछडे सापडले. वन विभागाच्या कर्मचाऱ्यांनी बछड्यांना या ठिकाणी सुरक्षित ठेवत परिसरात सीसीटीव्ही कॅमेरे बसवले (CCTV surveillance on Leopard) आहेत.
पिंजरा लावण्याची मागणी : नाशिकच्या वाडीचेरान, डेमसे व जाचक मळा या परिसरात बिबट्याचा वावर असल्याने या ठिकाणी पिंजरा लावण्याची मागणी शेतकऱ्यांनी केली (CCTV surveillance of three leopard cubs) आहे. पाथर्डी गावातील मळे परिसरात काही दिवसांपूर्वी बिबट्यांची दहशत वाढली आहे. बिबट्याला जेरबंद करण्यासाठी वन विभागाकडून नवले मळ्यात पिंजरा लावण्यात आला होता. याच पिंजऱ्यात 20 नोव्हेंबरला पहाटेच्या वेळी एक नर बिबट्या जेरबंद झाला. पाथर्डी गावातील स्थानिक नागरिकांना एक मादी व दोन बछड्यांचा वावर असल्याचे पहावयास मिळाले. वारंवार बिबट्याचे दर्शन होत असल्याने नागरिकांमध्ये भीतीचे सावट आहे. बिबट्याला जेरबंद करण्यासाठी विभागाने या परिसरात पुन्हा पिंजरा लावावा अशी मागणी केली (leopard cubs in Pathardi area Nashik) आहे.
आम्ही भीतीच्या सावटाखाली : आमचा शेताचा परिसर तसेच वालदेवी नदीजवळ असल्याने या भागात वारंवार बिबट्याचा वावर बघायला मिळतो. सद्या इथे बिबट्याची मादी व तीन बछड्यांचा वावर आहे. त्यामुळे बिबट्यांच्या भीतीच्या सावटाखाली आम्हाला शेतात काम करावे लागत असल्याचे येथील शेतकरी ज्ञानेश्वर डेमसे यांनी (CCTV surveillance on leopard cubs in Pathardi) सांगितले.
बिबट्याचे हॉटस्पॉट : नाशिक जिल्ह्यातील सिन्नर, निफाड, इगतपुरी, चांदवड, त्र्यंबकेश्वर हे तालुके बिबट्याचे हॉटस्पॉट म्हणता येईल. या तालुक्यातून गोदावरी, दारणा आणि कादवा या नद्या प्रवाहित होत असून या नद्यांच्या आजुबाजूला उसाचे मोठे क्षेत्र आहे. अशात बिबट्यांना लपण्यासाठी आणि प्रजननासाठी उसाचे शेत ही सुरक्षित जागा असल्याने बिबट्याच्या वावर या ठिकाणी मोठ्या प्रमाणात असतो. यासोबत मुबलक पाणी आणि गावात भक्ष्य म्हणून बिबट्यांना शेळ्या-मेंढ्या तसेच भटकी कुत्री मिळत असल्याने बिबट्यांच्या संख्येत दिवसेंदिवस वाढ होत असल्याचे दिसून येत (leopard cubs) आहे.
