नाशिक Builder Suicide Case Nashik: मनोहर कारडा (Manohar Karda suicide case) यांनी आज (गुरुवारी) सायंकाळी रेल्वेचा पोल कि. लो. क्र. 182/10 जवळ संसारी गेट जवळ आत्महत्या केली. आत्महत्येमागे आर्थिक विवेचना, पोलिसांची भीती किंवा अन्य काही कारण आहे का, याचा लोहमार्ग पोलीस तपास करत आहे. नरेश कारडा यांच्या विरोधात फसवणुकीच्या तक्रारीनंतर आणखी 15 तक्रार अर्ज आले होते. त्या अर्जांमध्ये कारडा व त्यांच्या भावांचं नाव होतं. फसवणुकीचा गुन्हा दाखल झाल्यानंतर कारडा कुटुंबीयांची मोठी बदनामी झाल्याने नरेश कारडा यांचे भाऊ मनोहर कारडा यांनी आत्महत्या केली असावी असा अंदाज व्यक्त केला जात आहे. या घटनेमुळे परिसरात खळबळ उडाली आहे. (Builder suicide in Nashik)
फसवणुकीचे काय आहे प्रकरण? कारडा कन्स्ट्रक्शनच्या माध्यमातून संचालक नरेश कारडा यांनी अशोका मार्ग या परिसरात 2019 मध्ये बांधकाम प्रकल्प सुरू केला होता. या बांधकाम प्रकल्पातील दोन गाळ्यांसाठी लुणावत व त्यांचा मित्र सतीश कोठारी यांना दोन गाळे कारडा देणार होते. त्यासाठी कारडा यांनी तक्रारदारांकडून 1 कोटी 20 लाख रुपये घेतले होते. बुकिंग रक्कम घेऊनही बांधकाम प्रकल्पाला सुरुवात होत नसल्याने तक्रारदारांनी कारडा यांच्याकडे पैशांची मागणी केली; मात्र कारडांकडून त्यांना उडवाउडवीची उत्तरे मिळाली. तक्रारदारांनी या बांधकाम प्रकल्पाची माहिती घेतली असता, या ठिकाणी कोणताही बांधकाम प्रकल्प अस्तित्वात नसल्याचे आढळून आले. त्यामुळे फसवणूक झाल्याचं लक्षात आल्यानंतर त्यांनी कारडा यांच्या विरोधात मुंबई नाका पोलिसात तक्रार दिली. त्यानुसार, सोमवारी (ता. 30 ऑक्टोबर) रात्री उशिरा याप्रकरणी गुन्हा दाखल करून बांधकाम व्यावसायिक व कारडा कन्स्ट्रक्शनचे नरेश कारडा यांना अटक करण्यात आली होती. यानंतर नरेश कारडा यांना न्यायालयात हजर केले असता 3 ऑक्टोबर पर्यंत पोलीस कोठडी सुनावली आहे.
पुण्यात बांधकाम व्यावसायिकाची आत्महत्या: बांधकाम व्यावसायिकांकडून आत्महत्या करण्यात आल्याच्या घटना यापूर्वीही घडल्या आहेत. पुणे शहरातील कोथरूड परिसरात एका बांधकाम व्यावसायिकाने 2 जुलै, 2020 रोजी अशाचा प्रकारे आत्महत्या केल्याची घटना उघडकीस आली होती. ही घटना गुरुवारी दुपारी दोनच्या सुमारास कोथरूडमधील मुक्ताई को-ऑपरेटिव्ह सोसायटीत घडली. माहिती मिळताच कोथरूड पोलीस घटनास्थळी दाखल झाले आहेत. रामचंद्र लक्ष्मणराव बबलतकर (वय 55) असे या बांधकाम व्यावसायिकाचे नाव आहे. कोथरुड पोलिसांनी दिलेल्या माहितीनुसार रामचंद्र लक्ष्मणराव बबलतकर हे कोथरूडमधील मुक्ताई सोसायटीत कुटुंबीयांसह राहत होते. मागील दोन आठवड्यापासून ते आजारी होते. त्यांना मधुमेहाचा त्रास असून मागील काही दिवसांपासून त्यांना अशक्तपणा जाणवत होता असे कुटुंबियांचे म्हणणे आहे. सोलापूर येथे त्यांचा बांधकाम व्यवसाय होता.
हेही वाचा:
- Kota Student Suicide : विद्यार्थिनीला आत्महत्येस प्रवृत्त केल्याप्रकरणी कोटाच्या कोचिंग सेंटरवर गुन्हा दाखल
- Gujarat Mass Suicide : धक्कादायक! एकाच कुटुंबातील सात जणांची आत्महत्या, सुसाईड नोटमध्ये सांगितलं कारण
- Rajan Khan Son suicide : प्रसिद्ध लेखक राजन खान यांच्या मुलाची आत्महत्या; सुसाईड नोटमध्ये लिहिलं धक्कादायक कारण
