नाशिक - मालेगाव शहरात आज दस्तुर हिंद बचाव कमिटीच्या वतीने एनआरसी, सीएए विरोधात बत्ती गुल आंदोलन करण्यात आले. संपूर्ण शहराचे लाईट 7 ते 7:45 पर्यंत बंद करून सरकारच्या विरोधात एक अनोखे आंदोलन करण्यात आले. संपूर्ण शहर हे ब्लॅक आऊट झाले होते.
मालेगाव शहरात दस्तुर हिंद बचाव कमिटीच्या वतीने एनआरसी आणि सीएए कायद्याविरोधात अनोखे आंदोलन करण्यात आले. शहरातील दुकाने आणि घरांची लाईट बंद करून अनोखे आंदोलन करण्यात आले होते. संपूर्ण शहरात या दरम्यान रिक्षा चालकांनी सुध्दा आपले हेड लाईट बंद ठेवून रिक्षा चालवली.
हेही वाचा - विंचूरमध्ये स्टेट बँकेचे एटीएम फोडुन पाऊणे पाच लाखांची रोकड लंपास
मालेगाव शहरात गेल्या अनेक दिवसांपासून सीएए व एनआरसी विरोधात आंदोलन सुरू आहे. मंगळवारी (दि. 4 फेब्रुवारी) सायंकाळी 7 वाजता बत्ती गुल आंदोलन करण्यात आले. या अनोख्या आंदोलनाची बाहेरून मालेगावात आलेल्या नागरिकांमध्ये जोरदार चर्चा सुरू होती.
हेही वाचा - 'ईटीव्ही भारत' इम्पॅक्ट : दिंडोरी तालुक्यातील रस्ता दुरुस्तीच्या कामाला गती
