नाशिक - मुंबई-नाशिक महामार्गावर इगतपुरी येथे एका ट्रकच्या जोरदार धडकेत ९ गायींचा मृत्यु झाला. तर ३ गायी गंभीर जखमी झाल्या आहेत. या घटनेनंतर इगतपुरी पोलिसांनी ट्रक चालकास ताब्यात घेतले आहे.
ट्रक चालकास इगतपुरी पोलिसांनी घेतले ताब्यात -
नाशिक मुंबई महामार्गावर इगतपुरी येथे रस्ता ओलांडनाऱ्या एका गायीच्या कळपाला नाशिकच्या दिशेने येणाऱ्या ट्रकने जोरदार धडक दिली. धडक इतकी भीषण होती की, या धडकेत नऊ गायी जागीच ठार झाल्या तर पाच गायी जखमी झाल्या आहेत. जखमी झालेल्या गायीना एका पिकअप गाडीतून पाथर्डी फाटा येथील मंगलरूप गो शाळेत उपचारासाठी नेण्यात आले. या घटनेनंतर ट्रक चालकास इगतपुरी पोलिसांनी ताब्यात घेतला असून त्याच्या विरोधात अपघाताचा गुन्हा दाखल करण्यात आला आहे, अपघातानंतर नाशिक- मुंबई हायवे वरील वाहतूक काही काळ ठप्प झाले होते.
उपचार करुन मालकास दिल्या जातील-
अपघात इतका भीषण होता की, यात 9 गायींचा जगीच मृत्यु झाला आहे, तीन गायींना आम्ही आमच्या गो शाळेत उपचारासाठी दाखल केले असून डॉक्टरांनी त्यांची तपासणी केली असून यात त्यांच्या पोटाला, पायाला गंभीर दुखापत झाल्या आहेत. डॉक्टरांच्या सांगितले आहे की, गाईंना बरे होण्यासाठी किमान दहा ते पंधरा दिवस लागणार असून त्यानंतर या गायी मूळ मालकास परत करण्यात येईल असे गो शाळेच्यावतीने सांगण्यात आला आहे.
हेही वाचा - No Entry: नाशिकच्या इगतपुरीत पर्यटनासाठी येणाऱ्यांना पोलिसांकडून घरचा रस्ता
