नंदुरबार - जिल्ह्यात आजपासून खासगी रुग्णालयात लसीकरणाला शुभारंभ करण्यात आला. त्यासाठी जिल्ह्यात दोन खासगी दवाखान्यांना मान्यता देण्यात आली आहे. नंदुरबारातील स्मित मल्टी स्पेशलिस्ट हॉस्पिटलमध्ये लसीकरणाला शुभारंभ झाला. जिल्ह्यात सात ठिकाणी मोफत लसीकरण केंद्रांवर लस दिली जाणार असल्याची माहिती जिल्हाधिकारी डॉ. राजेंद्र भारूड यांनी दिली.
खासगी रुग्णालयांमध्ये लसीकरणासाठी वयोवृद्धांची गर्दी -
जिल्ह्यात खाजगी रुग्णालयांमध्ये लसीकरणाच्या शुभारंभ प्रसंगी अनेक वयोवृद्ध नागरिकांनी गर्दी केली. याप्रसंगी नंदुरबार येथील स्मित मल्टी स्पेशलिस्ट हॉस्पिटलमध्ये व्हॅक्सिनेशनसाठी लागणारी सर्व सुविधा उपलब्ध असल्यामुळे लसीकरण सुरू करण्यात आले. शासनाच्या मान्यतेनुसार दररोज शंभर नागरिकांना लसीकरण केले जाईल अशी माहिती खासगी रुग्णालय प्रशासनाच्या वतीने देण्यात आली.
जिल्ह्यात दोन खासगी रुग्णालयात लसीकरण -
जिल्ह्यात दोन खासगी रुग्णालयांमध्ये लसीकरण करण्यात येणार आहे. त्यात नंदुरबार शहरातील स्मित मल्टी स्पेशलिस्ट हॉस्पिटल तर शहादा येथील सुश्रूत नर्सिंग होम येथे लसीकरण केले जाणार आहे.
खाकी लसीकरण केंद्र वाढविण्यासाठी जिल्हा प्रशासन प्रयत्नशील -
जिल्ह्यात तुर्तास दोन ठिकाणी लसीकरण केंद्र उभारण्यात आले आहे, त्यात नंदुरबार शहरात एक व शहादा येथे एक केंद्र उभारण्यात आले आहे. जिल्ह्यातील खासगी रुग्णालयातील डॉक्टरांनी लसीकरण केंद्र उभारण्यासाठी पुढाकार घ्यावा असे आव्हान जिल्हा अधिकारी डॉक्टर राजेंद्र भारूड यांनी केले आहे.
वयोवृद्ध नागरिकांसह इतरांना दिली जाणार लस -
६० वर्षावरील सर्व नागरिकांना कोरोना लस मिळणार आहे. याशिवाय ४५ वर्षावरील परंतु गंभीर आजार असलेल्यांना लस दिली जाणार आहे. त्यासाठी संबधीत व्यक्तीला आजाराची कागदपत्र किवा दवाखान्याची फाईल सोबत घेऊन जाणे गरजेचे राहणार आहे.
खासगी लसीकरण केंद्र -
| स्मित मल्टी स्पेशलिस्ट रुग्णालय | नंदुरबार |
| सुश्रूत नर्सिंग होम | खेतियारोड, शहादा |
सरकारी लसीकरण केंद्र -
| रुग्णालयाचा प्रकार | गाव/शहर |
| जिल्हा रुग्णालय | नंदुरबार |
| जेपीएन हॉस्पीटल | नंदुरबार |
| उपजिल्हा रुग्णालय | नवापूर |
| ग्रामिण रुग्णालय | म्हसावद |
| ग्रामिण रुग्णालय | अक्कलकुवा |
| उपजिल्हा रुग्णालय | तळोदा |
| ग्रामिण रुग्णालय | शहादा |
| ग्रामिण रुग्णालय | धडगाव |
