नंदुरबार- नवापूर पोलिसांना अवैधरित्या वाहतूक होत असलेल्या दारूसाठ्याला जप्त करण्यात यश आले आहे. सुरत-नागपूर महामार्गावर अवैधरित्या दारुची वाहतूक केली जाणार असल्याची माहिती नवापूर पोलिसांना मिळाली होती. त्याआधारे पोलिसांनी आज पहाटेच्या सुमारास ही कारवाई.
पोलिसांना मिळालेल्या माहितीनुसार महामार्गावर नाकेबंदी करण्यात आली होती. यादरम्यान पोलिसांना महामार्गावरील नावापूर गावाजवळ एक संशयास्पद तवेरा गाडी दिसून आली. त्या गाडीच्या चालकाची विचारपूस केली असता चालकाने उडवाउडवीचे उत्तरे दिली. त्यामुळे पोलिसांनी गाडीची अधिक तपासणी केली. पोलिसांना त्यात 'इंपेरियल ब्ल्यू' या कंपनीचा विदेशी दारूसाठा आढळला. त्याची किंमत जवळपास साडेतीन लाख रुपये आहे. याप्रकरणी पोलिसांनी दारूसाठ्यासह तवेरा गाडी जप्त केली असून गाडी चालकाला आटक केली आहे.
हेही वाचा- 'पक्षातील पदाधिकाऱ्यांनी बंडखोरी मागे न घेतल्यास त्यांची हकालपट्टी'
जप्त केलेला मुद्देमाल नेमका कुठून आला आणि कुठे चालला होता याचा तपास नवापूर पोलिसांकडून केला जात आहे. आचारसंहिता काळात इतक्या मोठ्या प्रमाणात दारू साठा मिळाल्याने विविध चर्चांना उधान आले आहे. याप्रकरणी नवापूर पोलिसांनी धुळ्याच्या शिरपूर तालुक्यातील एकाला चौकशीसाठी ताब्यात घेतल्याची माहिती पोलीस निरीक्षक विजयसिंह परदेशी यांनी दिली आहे.
हेही वाचा- खेडदिगरात गावठी पिस्तूलसह जिवंत काडतूस जप्त; एकाला अटक
