नंदूरबार - राज्यात अनेक ठिकाणी परतीच्या पावसाने शेतकऱ्यांचे मोठे नुकसान झाले आहे. अनेक ठिकाणी फळबागांसह, कपाशी, सोयाबीन या पिकांना फटका बसला आहे. नवापूर तालुक्यातही परतीच्या पावसाने शेतकऱ्यांच्या तोंडातला घास हिरावून घेतला आहे. काँग्रेसचे नवनिर्वाचित आमदार शिरीष नाईक यांनी नूकसानग्रस्त भागाची पाहणी करुन तातडीने पंचनामे करण्याचे आदेश प्रशासनाला दिले आहेत.
नवापूर तालुक्यातील शेतकऱ्यांना परतीच्या पावसाचा चांगलाच फटका बसला आहे. पिकांचे मोठे नुकसान झाल्याने बळीराजाच्या तोंडचा घा, पावसाने हिरावून घेतला आहे. त्यामुळे जिल्ह्यातील बळीराजा संकटात सापडला आहे. नुकसानग्रस्त भागाची आमदार शिरीष नाईक पाहणी केली. तसेच तातडीने पंचनामे करून शेतकऱ्यांना नुकसान भरपाई द्यावी. यासाठी मंडळ अधिकारी व तलाठी यांना शेतकऱ्यांच्या जागेवर जाऊन नुकसानीचे पंचनामे करण्याचे आदेश त्यांनी दिले. शासनाकडून तत्काळ नुकसान भरपाई मिळावी. याकडे जर दुर्लक्ष केले तर आपण तीव्र आंदोलन करणार असल्याचा इशारा नाईक यांनी दिला.
