नांदेड - चाकूचा धाक दाखवून तरुणाला लुटल्याची घटना नांदेड शहरातील पूर्णा रोडवर घडली. या प्रकरणी पोलिसांनी तीन अज्ञात आरोपींविरुध्द गुन्हा दाखल केला आहे.
पूर्णा रोडवरील पावडे मंगल कार्यालयाच्या मागील रस्त्यावर गजेंद्र शेंडे (१७, रा. आशिषनगर, पूर्णा रोड नांदेड) हा १० नोव्हेंबरच्या रात्री ११ वाजता मित्रासह जेवण करून घरी जाण्यासाठी थांबला होता. त्यावेळी दुचाकीवरुन आलेल्या तिघांनी चाकूचा धाक दाखवून त्याच्या ताब्यातील दहा हजारांचा मोबाईल आणि पाच हजार रुपये घेऊन पळ काढला.
हेही वाचा - देवेंद्र फडणवीसांची नवीन ओळख 'महाराष्ट्र सेवक', CMO वर मात्र तोच फोटो
एम एच २६ बीएम ५९६१ असा चोरट्यांच्या पल्सर दुचाकीचा क्रमांक आहे. या प्रकरणी गजेंद्रने दिलेल्या फिर्यादीवरुन भाग्यनगर पोलीस ठाण्यात गुन्हा दाखल करण्यात आला आहे. या प्रकरणाचा तपास उपनिरीक्षक नरवडे करत आहेत.
दरम्यान, शहरातील भाग्यनगर पोलीस ठाण्याच्या हद्दीत विविध प्रकारची गुन्हेगारी वाढत आहे. भाग्यनगर पोलीस गुन्हेगारी रोखण्यात अपयशी ठरले आहेत.
