नांदेड - शहरातील नवा मोंढा भागातील वसुंधरा फर्टिलायझर्समध्ये चोरट्यांनी शटर तोडून गल्ल्यामधील रोख अडीच लाख रुपये लंपास केल्याची घटना घडली. ही घटना ५ जुलै रोजी रात्रीच्या सुमारास घडली. ही घटना सीसीटीव्ही कॅमेऱ्यात कैद झाली आहे.
नांदेडमध्ये चोरीची घटना सीसीटीव्हीत कैद नांदेड शहरातील नवा मोंढा परीसरातील दिनेश अग्रवाल व संजय अग्रवाल यांच्या वसुंधरा सीड्स अँड अॅग्रो केमिकल्स या दुकानाचे शटर वाकवून चोर आत शिरले. यावेळी गल्ल्यामधील १ लाख ८० हजार तसेच वसुंधरा फर्टिलायझर्समधील ७० हजार असे एकूण दोन्ही दुकानातून नगदी २ लाख ५० हजार रुपये चोरट्यांनी लंपास केला. सदरील चोरीचा प्रकार सीसीटीव्ही कॅमेऱ्यात कैद झाला आहे.
