अर्धापूर येथे 'सीएए' कायद्याच्या समर्थनार्थ 'स्वाक्षरी मोहीम'

अर्धापूर येथे भाजप नेते अ‌ॅड. किशोर देशमुख यांच्या वाढदिवसानिमित्त नागरी सुधारणा कायद्याच्या समर्थन करण्यासाठी स्वाक्षरी मोहीम घेण्यात आली. यावेळी नागरिकांनी मोठ्या संख्येने या स्वाक्षरी मोहीमेत आपला सहभाग नोंदवला.

नांदेड - नागरी सुधारणा कायद्याच्या समर्थनार्थ अर्धापूर येथील महात्मा बसवेश्वर चौकात स्वाक्षरी मोहीम राबवण्यात आली. यावेळी आमदार राम पाटील रातोळीकर यांच्या हस्ते स्वाक्षरी मोहीमेचे उदघाटन करण्यात आले. यावेळी हजारो नागरिकांनी स्वाक्षरी मोहीमेत आपला सहभाग नोंदवत सीएए कायद्याचे समर्थन केले.

हेही वाचा... 'सीएए'मध्ये गैर काय, माझा देश म्हणजे धर्मशाळा नव्हे - राज ठाकरे

अर्धापूर नगरपंचायतचे गटनेते अ‌ॅड. किशोर देशमुख यांच्या वाढदिवसानिमित्त विविध क्षेत्रात उल्लेखनीय कामगिरी करणाऱ्यांचा सन्मान सोहळा आयोजित करण्यात आला होता. तसेच चर्मकार बांधवांना छत्री वाटप, स्वच्छता करणाऱ्या महिलांना साड्या वाटप, तसेच विविध स्पर्धांचे आयोजन करण्यात आले होते. यानंतर स्पर्धेतील विजेत्यांना बक्षिस वितरण, शेतकरी बचत गटांना जॅकेट वाटप, नेत्र तपासणी शिबीरसह यांसह विविध उपक्रम घेण्यात आले. यावेळी घेण्यात आलेल्या नेत्र तपासणी शिबीरास मोठा प्रतिसाद मिळाला. यावेळी मोठ्या संख्येने सर्वसामान्य लोकांनी आपली नेत्र तपासणी करुन घेतली.

हेही वाचा... 'राजकारण असो वा आरोग्य, डॉक्टरचा सल्ला घेणे कधीही सोडायचं नाही'