नांदेड- दसऱ्याच्या दिवशीच नांदेड शहर भूकंपाच्या धक्क्याने हादरले आहे. शहरातील श्रीनगर, जंगमवाडी परिसरात सौम्य धक्के जाणवले. स्वामी रामानंद तिर्थ विद्यापीठातील भुकंप मापक (सिसमोग्राफ) यंत्रात सकाळी 11 वाजून 8 मिनिटांनी 0.6 आणि 11 वाजून 32 मिनिटांनी 0.8 रिश्टरस्केल इतकी नोंद झाली.याबाबत भूगर्भशास्त्र विभाग प्रमुख प्रदिप वेसनकर यांनी या भूंकपाच्या सौम्य धक्क्याबाबत माहिती दिली.
नांदेडसाठी भूकंपाचे धक्के नवीन नाहीत 2005, 2006, 2007 हे तीन वर्ष वारंवार तर 2011 मध्ये याच भागात धक्के जाणवले होते. 2011 मध्ये 3.5 रिश्टर स्केल हा सर्वात मोठा भूकंपाचा धक्का जाणवला. त्यानंतर आता पुन्हा धक्के जाणवायला सुरुवात झाली आहे. ज्या वर्षी पाऊस जास्त झाला आहे. त्या-त्या वर्षी हे धक्के जाणवत असल्याची माहिती वेसनकर यांनी दिली. दरम्यान, भूकंपाच्या धक्क्यामुळे नागरिकांनी घाबरुन जाण्याची गरज नसल्याचे वेसणकर यांनी सांगितले. तसेच ज्यांची घरे कच्ची आहेत त्यांनी मात्र सतर्क राहण्याचे आवाहनही वेसणकर यांनी यावेळी केले आहे.
