मुंबई- Gram Panchayat Election 2023 : आज (5 नोव्हेंबर) राज्यात ग्रामपंचायत निवडणुकांची रणधुमाळी पाहायला मिळणार आहे. राज्यभरातील जवळपास 2 हजार 359 ग्रामपंचायतींच्या सार्वत्रिक निवडणुकांसाठी आणि 2 हजार 950 सदस्यपदाच्या तर 130 सरपंचांच्या रिक्त पदांच्या पोटनिवडणुकांसाठी आज मतदान होणार आहे. सकाळी 7.30 वाजता मतदानाला सुरुवात झाली आहे. निवडणूक आयोगाच्या निर्देशानुसार आज सायंकाळी 5.30 वाजेपर्यंत मतदान होईल. तर ग्रामपंचायतींच्या निवडणुकीकरिता मतमोजणी 6 नोव्हेंबर 2023 रोजी होईल.
Live updates-
- रायगड जिल्ह्यात मतदार एकूण 20.59 टक्के मतदान झाले आहे. सर्व 15 तालुक्यातील 210 ग्रामपंचायतमध्ये मतदान आहे. 179 ग्रामपंचायतमध्ये प्रत्यक्ष मतदान असून 652 मतदान केंद्रावर मतदान होत आहे. आतापर्यंत सर्व मतदान सुरळीत झाले आहे.
- कोल्हापुरातील ग्रामपंचायत निवडणुकीच्या मतदानाला सकाळी साडेसात वाजता सुरुवात झाली आहे. पण या निवडणुकीला काहीस गालबोट लागल्याचे चित्र आहे. कोल्हापूरच्या चिंचवाड मतदान केंद्रावर तणाव निर्माण झाला आहे. या केंद्रावर मतदान बूथच्या आतमध्येच उमेदवार प्रतिनिधी याची जोरदार शिवीगाळ आणि बाचाबाची झाली. उमेदवार प्रतिनिधी एकमेकांच्या अंगावर धावून जाण्याचा प्रकार झाला. कोल्हापूर दक्षिण विधानसभा मतदारसंघात चिंचवाड हे गाव येते. या गावात महाडिक आणि सतेज पाटील गट एकत्र येवून पॅनल उभे केले आहेत. त्यांच्या विरोधात याच गटातील नाराजांनी अपक्ष पॅनेल उभे केले आहे. त्यामुळे या गावातील निवडणुक अत्यंत अटीतटीची आणि चुरशीची बनली आहे.
अजित पवार यांची काटेवाडीत प्रतिष्ठा पणाला- राज्यातील 2 हजार 369 ग्रामपंचायतीची निवडणूक अत्यंत महत्त्वाची आहे. कारण, थेट जनतेमधून सरपंच निवडण्यात येणार आहे. त्यामुळे निवडणुकीसाठी गावागावात चुरस आहे. गावगाड्याचा कारभार ठरविला जात असताना काही बड्या नेत्यांची प्रतिष्ठा पणाला लागली आहे. बारामती तालुक्यातील काटेवाडीत अजित पवार गट विरोधात भाजपा पुरस्कृत पॅनेल अशी लढत आहे. राष्ट्रवादीत बंडखोरी करून उपमुख्यमंत्री झालेले अजित पवार हे काटेवाडीत बाजी मारणार की भाजपाचा उमेदवार, याकडे राज्याचं लक्ष लागलेलं आहे.
निवडणुक प्रक्रिया शांततेत पार पाडण्यासाठी 144 लागू : निवडणुक प्रक्रिया शांततेत पार पडावी यासाठी कलम 144 लागू केले जाते. याच पार्श्वभूमीवर नांदेड जिल्ह्यात मतदान सुरू झाल्यापासून ते मतमोजणी संपेपर्यंत मतमोजणी केंद्र परिसरात फौजदारी प्रक्रिया 1973 चे कलम 144 अन्वय जिल्हाधिकारी अभिजीत राऊत यांनी प्रतिबंधात्मक आदेश निर्गमित केले आहे. या कालावधीत सार्वजनिक ठिकाणी संबंधीत पक्षांची चित्रे, चिन्हांचे कापडी फलके, सार्वजनिक ठिकाणी भाषण करण्यास निर्बंध असतील. तसंच मतदानाच्या 200 मीटर परिसरात सर्व पक्षकारांचे मंडपे सर्व दुकाने, मोबाईल दोन्ही प्रकारचे फेरीवाले व इतर इलेक्ट्रॉनिक उपकरणे, निवडणुकीच्या कामाव्यतिरिक्त खाजगी वाहन, निवडणुकांच्या कामाव्यतिरिक्त व्यक्तिगत प्रवेश करण्याकरिता मनाई आहे.
ग्रामपंचायत पोटनिवडणूक : मुखेड तालुक्यातील डोंगरगांव, सलगरा खु, जांब खु, पिंपळकुठा, देगलूर तालुक्यातील भक्‍तापुर, बिलोली तालुक्यातील बावलगाव, लोहा तालुक्यात कापसी खु, धानोरा म. उमरी तालुक्यात हस्‍सा, इज्‍जतगांव आमदापुर, कंधार तालुक्यात बामणी प क, बोरी (खु), मंगलसांगवी,अर्धापुर तालुक्यात दाभड, लोणी खु. माहूर तालुक्यात भोरड, वसरामतांडा, गोकुळ गोंडेगाव, टाकळी, भोकर तालुक्यात गारगोटवाडी दि.,चिदगिरी, पांगरपहाड, पांधरा, बेल्‍लोरी धा, लोणी या ग्रामपंचायतींचा यात समावेश आहे.
ग्रामपंचायत सार्वत्रिक निवडणूक : नांदेड तालुक्यातील नागापूर, मुदखेड तालुक्यातील वाई, हदगाव तालुक्यातील गवतवाडी, तळ्याचीवाडी, लोहा / लोहा तांडा, किनवट तालुक्यातील भुलजा, पिंपळगांव (की), कोठारी (ची), खंबाळा, दरसांगवी (ची), परसराम नाईकतांडा, माहूर तालुक्यात चोरड (जुनापाणी), धर्माबाद तालुक्यात हसनाळी. नायगांव खै. तालुक्यात लालवंडी, मुखेड तालुक्यात कर्णा, लोहा तालुक्यात देवला तांडा, देगलूर तालुक्यात गोगला गोविंद तांडा, अंबुलगा व मरतोळी या ग्रामपंचायतींचा यात समावेश आहे.
हेही वाचा -
